Inicio > Cultura sidrera > Lleguen les primeres botelles de sidre d’Escoyeta
Cultura sidreraLlagaresTasties

Lleguen les primeres botelles de sidre d’Escoyeta

La sidre con Denominación d’Orixe Seleicionada cellebra la so primer preba de la temporada güei llunes 8 d’abril

LA SIDRA.- Los productores impulsores de la marca ‘d’Escoyeta’, ellaborada por Sidra Trabanco, Sidra Foncueva y Sidra Muñiz, cellebren esti llunes la so primer mesa de tastia. Los llotes presentaos sedrán evaluaos por destacaos tastiaores de sidre d’Asturies, con Maximino Villarrica como presidente del xuráu. Namás aquellos que superen la calificación de “Notable” podrán salir al mercáu cola escontraetiqueta de “Sidre d’Escoyeta”

La sidre tastiaráse a ciegues, valorando estremaos aspeutos como: espalme, aguante, pegue, gustu, collor o arume. Ún de los aspeutos a destacar d’esta primer tastia, que tendrá una duración aprosimaos de 2 hores, ye que s’ellabora cola “sidre sobro la madre”. Ello ye, aquella que sal direutamente del tonel tres la formientación de los meses caberos.

La marca “Sidre d’Escoyeta” nació nel añu 2000 y supón un apueste pola mazana asturiana, collechada en pumaraes homologaes y recoyía nel so puntu óptimu de mauración. Dende güei, perafiten el proyeutu cola so nueva imaxe “D’Escoyeta”, incluyía na Denominación d’Orixe Protexía.

La tastia escomenzará de magar les 18:30 hores na sidrería Tierra Astur Parrilla, asitiada na cai Gascona d’ Uviéu.

(Visited 657.720 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies