Trátase d’una iniciativa de CTIC Centru Tecnolóxicu en collaboración col Conseyu Regulador DOP Sidre d’Asturies y qu’utiliza l’aplicación blockchain, basada nun prototipu desendolcáu por CTIC demientres 2019 y 2020 denomináu TRAZATELOS, cola cuenta d’aidar a poner en valor esti productu
LA SIDRA.- Once llagares cunten yá con pasaporte dixital pa la so sidrE, implementáu por aciu tecnoloxía blockchain. Esti permite conocer, de magar d’un QR presente na botella, tolos detalles sobro l’orixe y percorríu de la sidra que se ta consumiendo. Trátase, en tolos casos, de sidre con DOP, apurriendo una garantía d’orixe entá mayor de la que yá representa la mesma marca.
“El blockchain na Sidre d’Asturies ye un casu d’ésitu que demuestra que tradición ya innovación van de la mano y avanzamos escontra la diferenciación y el valor añedíu. Creyemos que ye una esperiencia dixital única pal consumidor que lu dexa francamente ablucáu.” Declaró al respeutu d’esta iniciativa Daniel Ruiz, xerente del Conseyu Regulador de la DOP Sidre d’Asturies.
