Inicio > Clú de LA SIDRA > Visita Guiada al Llagar de ROZA
Clú de LA SIDRALlagaresSidreturismuTasties

Visita Guiada al Llagar de ROZA

Juan Roza recibe la montera picona que lu acreíta como Meyor Primer Sidre L’Añu 2022

El prósimu xueves 28 d’abril, el Clú de LA SIDRA entama una visita guiada al Llagar de Roza

LA SIDRA.- Sedrá’l propiu llagareru, Juan Roza, quien dirixirá esta visita al centenariu llagar navetu, ensiñándomos les sos istalaciones y presentándomos la sidre qu’agora mesmo ta nos toneles.

Trátase d’un llagar con capacidá aprosimao pa 400.000 llitros, y que destaca pola cantidá de toneles de maera colos que cuenta -más de 35-, y pol so compromisu por caltener una sidre lo más natural y tradicional posible. Sidra Roza cunta con un palmarés impresionante, siendo’l so últimu premiu, el de Meyor Primer Sidre L’Añu 2022

La visita guiada al llagar entamará nel mesmu llagar el xueves 28 d’abril a les 20:00 h. con horariu finalización a les 21:30, y como se desplicó enantes, correrá a cargu del propiu llagareru Juan Roza.

El númberu places ye llimitáu, y la participación na visita tien un costu de 10 €, que sedrá de 5 € pa los miembros del Clú de LA SIDRA. L’ingresu hai que facelu poniendo’l nome del participante y el conceutu ‘Roza’ nel númberu cuenta de la Fundación Asturies XXI:  ES 09  0081  5157  600001228623

Ye posible que s’entame un autobús pa facer el trayeutu Xixón-Nava-Xixón, lo que tendríe un sobrocostu d’unos 11 € por presona, polo que se pide a quien tea interesáu/da, contautar per Whatsapp

Más información:

info@lasidra.as

T. / Whatsapp 652 594 983

(Visited 2.445.344 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies