Inicio > Clú de LA SIDRA > ¡Deprendi a echar sidre!
Clú de LA SIDRACultura sidreraDellos

¡Deprendi a echar sidre!

El xueves 19 de mayu, el Clú de LA SIDRA entama’l so tercer taller pa deprender a echar sidre, na sidrería La Montera Picona de Ramón

LA SIDRA.- A lo meyor yá sabes y lo que quies ye perfeicionar l’estilu, conocer más de la hestoria, la téunica, como ye la puntuación nos concursos… o cenciellamente pasalo bien con otres presones amantes de la sidre y la so cultura.

Por eso, y pa eso, el Clú de LA SIDRA vien entamando talleres teórico-práuticos na Sidrería La Montera Picona de Ramón, el prósimu sedrá’l viniente xueves 19 de mayu (el penúltimu xueves del mes), ya impartiralu Laura Ovín (Sidrería La Barraca, Nava), xuráu del Campionatu d’Echaores d’Asturies, y ella mesma campiona del mesmu nel 99; asina como Alejandra Vanegas de la propia Montera Picona de Ramón. Elles sedrán les encargaes d’impartir los aspeutos más práuticos d’esti arte tan asturianu al que non siempres se-y dedica l’atención que merez.

El taller contempla trés niveles, en función del grau de conocimientu de los participantes: Aniciu / Mediu /Altu. Tien calter mensual, y en principiu rialízase siempres el penúltimu xueves de ca mes, na mencionada sidrería, con un horariu de 20 a 21:30 h. Eso sí, les places son llimitaes y acuparanse per rigurosu orde d’iscripción.

El preciu d’esti cursín sedrá de 10 € (5 € pa miembros del Clú de LA SIDRA) por presona y pa cauna de les xornaes.

P’apuntase y más información:

  • LA SIDRA
    • T/ Whatsapp: 652 594 983
    • Corréu lletrónicu: adlasidra@gmail.com
  • Sidrería La Montera Picona de Ramón
    • T. 984 190 237

Entama:

  • Clú de LA SIDRA / Fundación Asturies XXI

Sofita:

  • Sidrería La Montera Picona de Ramón
  • FMCEYUP del Ayuntamientu Xixón

Collabora:

  • Sidra Menéndez
  • AESDA

(Visited 1.650.286 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies