Inicio > Cultura sidrera > V Concursu de Sidre Casero de Piloña
Cultura sidrera

V Concursu de Sidre Casero de Piloña

Llevaráse a cabu esti domingu 1 de setiembre na Carpa de la plaza del ganáu en L’Infiestu de magar  les 11:00 hores

LA SIDRA.- Son cinco años los que l’Asociación de Sidre Casero de Piloña lleva entamando esti certame que cunta con una gran participación. Esti añu calcúlase que s’inscriban más de 50 llagareros artesanales, lo que da bona cuenta de que la cultura sidrera asturiana sigue bien viva nel nuesu país, yá qu’afortunadamente hai cantera ente los mozos, y eso hai qu’agradecelo a esti tipu d’entidaes cuyu únicu oxetivu ye caltener ya impulsar la tradición asturiana.

El V Concursu de Sidre Casero de Piloña va cellebrase esti domingu 1 de setiembre na plaza del ganáu en L’Infiestu de magar les 11:00 hores. Nesi momentu la Banda  Gaites del Sidrón va entornar cantares asturianos p’acompangar el carru vaques que va repartir sidre. Una hora más tarde, al meudíi, va tener llugar el pregón oficial a cargu de Joaquín Pajarón.

Y claro, tamién habrá degustación popular. Cola alquisición d’un vasu, los asistentes van poder tastiar la sidre presentao al certame. Amás, como ye un alcuentru fundamentalmente familiar, los entamaores programaron un espaciu pa xuegos infantiles. Y por si fora poco, estia ñu tamién va haber sidre casero proveniente de Siero, como conceyu invitáu. Parte de les aportaciones d’esti conceyu va ser la esposición que va instalar el Club Sierense d’Amigos de la Mazana.

(Visited 640.021 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies