Inicio > Gastronomía > Tiempu de branu, tiempu de bonitu
Gastronomía

Tiempu de branu, tiempu de bonitu

¡Qué xenial ye poder esfrutar del branu! Y non solo pol bon tiempu, les vacaciones o la sablera… sinón porque llega la tan allampada temporada del bonitu. Esti productu ye un de los reis de la mar, yá que pue tresnase d’estremaes y delicioses maneres como al ayu, con tomate, a la chapa, a la parrilla, en rollu y fasta n’ensalada. La ventrisca amás ye toa una delicia, al igual que si lo guisamos en marmita. Nes nueses sidreríes d’Asturies, el bonitu ye’l platu por escelencia

 

El Paneru, Sidrería. Xixón
Famosu pola so cocina del mar

Esta sidrería fíxose un nome en La Calzada y en tou Xixón polos sos productos de la mar. Cunta con cetária propia, y los pexes, siempres frescos, escoyíos al detalle sol sollerte güeyu del propietariu. Por exemplu, el bonitu ye un de los sos platos más demandaos nesta dómina. Ufiértalu a la chapa, con pistu o con tomate. 

A destacar la so especialidá: ‘El bonitu al ayu, con gambes y pimientos del piquillo’.
La sidra ye Menéndez y la so DOP Val d’Ornón.

Direición: Alejandro Farnesio, 3
T. 985 320 505
Xefe cocina: Emiliano
Horariu cocina: 13:00 a 16:00 y de 20:00 a 24:00
Descansu: llunes
Suxerencies: Pexes y mariscos del Cantábricu, estos en cetária propia, llubina xabaz y bonitu en toles sos variedaes. En carnes colloraes chuletón de vaca vieya gallega.

Parrilla Muñó y Parrilla Muñó poniente. Xixón.
Referentes en cocina de calidá

La Parrilla Muñó y Muñó Poniente son un referente na ciudá. Ciertu ye que la parrilla ye un de los sos buques insinia gracies a el so bon faer y a los sos productos de primera. Pero esta forma d’atalantar la cocina estiéndese tamién a los sos pexes frescos, en concretu, al bonitu, que ta llogrando bien bones crítiques yá que lo cocinen nel puntu perfechu pa destacar testura y saborgu. Trésnenlu salteáu con gambes, a la chapa con xamón, y tamién ufierten rollu de bonitu.

Sidres Cortina, Villacubera y Peñón.

Direición: Feijóo, 33 (Muñó) y Avda. Juan Carlos I, 42 (Muñó Poniente)
T. 985 336 080 (Muñó) y 985 317 286 (Muñó Pte.)
Xefa cocina: Inés Meana
Horariu cocina: De 13:00-16:00 y de 19:00-00:00
Descansu: Martes
Suxerencies: carnes y pexes frescos

 

Nueva Ibérica, Sidrería. Xixón.
Productu, cocina y serviciu

Dende va dellos años el barriu L’Arena tornó convertise nuna de les fasteres afayaíces pa salir. Y equí precisamente atópase la Sidrería Nueva Ibérica que ganó fama gracies a la so cocina siempres casera, al so bon ambiente y al so serviciu a los veceros. Ufierten: Cazuela de Bonitu del Norte con amasueles y llagostinos. Llombos de Bonitu del Norte con pistu caseru. Salpicón de Bonitu del Norte y Ventrisca al fornu. Sidres: Viuda de Angelón, Canal y dalgún bon palu variáu. A destacar el cuidu por esti productu.

Dirección: Aguáu, 38
T. 985 084 154
Xefa cocina: Palmira Méndez
Horariu cocina: 12:00 a 16:00 y 20:00 a zarru
Descansu: llunes (sacante agostu)
Suxerencies: especialistes en cachorres, ensalada de pixín con escabeche tibiu de llagostín, carnes colloraes.

 

El Centenariu, Sidrería. Xixón.
Un emblema na plaza mayor

En plena plaza mayor, nel coralde la ciudá, y con una llarga trayeutoria que respuende por tantu la so cocina como’l so cuidu na sidre; el Centenariu ye un de los llocales más emblemáticos de Cimavilla. Venir a esti sitiu a tastiar los mariscos del Cantábricu ye yá toa una tradición pa los xixoneses; asina como tamién l’esfrutar d’un bonitu cocináu como manden los cánones. Equí trésnenlu de cuatro formes: a la chapa, al ayu, con pistu y a la sidre. La sidre qu’echen son Vallina sobro la madre, la DOP El Santu y tamién Frutos.

Direición: Plaza Mayor, 7
T. 985 343 561
Xefa cocina: Maite Muñiz
Horariu cocina: 13:00-16:00 y 20:00-00:00 hrs.
Descansu: Domingos tarde y llunes
Suxerencies: Mariscos y pexes del Cantábricu

 

La Vieja Rula, Restorán. Avilés.
Bonitu nel Muelle d’Avilés

Asitiáu nel Muelle d’Avilés atópase’l restorán La Vieja Rula, un llocal del que los sos veceros destaquen tantu’l sollerte serviciu al veceru, como, cuantimás, la calidá tocántenes a pexe y mariscu. Nesta temporada’l bonitu ye una escelente opción. Ufiértalo en rodaxa a la chapa o tamién en tacos; y lleva ayu y xamón. Cunten con ampliu aparcamientu, terraza de serviciu y aire acondicionáu. Tocántenes a les sidres, les qu’echen son Herminio y Zythos.

Direición: Avenida Conde Guadalhorce, s/n
T. 985 52 03 70
Xerentes: Alberto Canal y Fernando Rodríguez
Horariu cocina: 13:00 a 16:00 y 18:30 a 23:00
Descansu: domingu, festivos abiertu
Suxerencies: calamar frescu de potera, mariscu, pescaos a planchar, paelles de mariscu, tapes

 

Casa Fede, Sidrería. Xixón.
La esencia del productu

En Cimavilla, Casa Fede estremóse dende va décades pola so cocina honesta basada na calidá. Los sos propietarios, orixinarios d’esti barriu de pescadores, son depositarios del heriedu gastronómicu de la fastera, onde predomina la cocina del mar. Y por ello, el bonitu equí ye garantía de bon productu y ellaboración. Como especialidá tienen ventrisca a la chapa, tresnada nel so puntu pa que quede xugosa, saborgosa y delicada. A destacar el cuidu pola sidre. Tienen Acebal y Sopeña DOP, ésta última ganadora en 2019.

Direición: Acacia, 5
T. 985 344 007
Xefes de cocina: Yolanda y María José Cuaya Horariu de cocina:
13:00 a 15:30 y 20:00 a 23:30
Descansu: Llunes tarde y martes
Suxerencies: callos, cebolles rellenes, pexes frescos qu’entren diariamente

 

La Fueya de Tomás, Sidrería. Xixón
Bonitu pa tolos gustos

La Fueya de Tomás abrió en 2016, pero años d’esperiencia tán detrás de los profesionales que conformen l’equipu cocina y sala. Tocántenes a la sidre, esti llocal ye una referencia. Siempres cunten colos meyores palos de sidre natural DOP o Escoyíes. El bonitu trésnenlu con tomate, al ayu o con pistu. Tamién ufierten rodaxa a chapa, ventrisca con pistu, rollu bonitu o cascarón a la chapa. Too ello ellaboráu siguiendo los cánones de la bona cocina tradicional, con mimu y pacencia. Ensin dulda un aciertu.

Direición: Marqués de Urquijo, 12
T. 984 184 294
Xefa cocina: Cuadonga Sánchez
Horariu cocina: 12:30 a 16:30 y 20:00 a 24:00
Descansu: llunes
Suxerencies: bonos platos de cuyar, pexes al fornu y a La Fueya; tamién mariscos de Cantábricu.

 

Los Pomares, Sidrería. Xixón
Con tol saborgu de la tradición

¡Por fin llega’l bon tiempu! Y nun hai ná meyor pa esfrutar d’elli que faelo na estupenda terraza de Los Pomares. Y, ta claro, colos bonos platos de la cocina tradicional asturiana. Esta sidrería ye más qu’afamada polos sos guisos —ganó la Meyor Fabada del Mundu en 2015—; al igual que pola so parrilla. Pero si de cocina del mar falamos, equí’l bonitu ye una de les sos especialidaes. Ufiertase en tacos o en rodaxa, tamién tresnen rollu de bonitu y la ventrisca ta ensundiosa. Sidres: El Santu, Prado y Pedregal y Gelo.

Direción: Avenida de Portugal, 68
T. 985 354 607
Xefa cocina: Pili Ramos
Horariu cocina: Servicios de comíes y cenes
Descansu: Nun preslla pel branu
Suxerencies: Guisos de cocina tradicional, productos de la increyíble despensa asturiana

 

El Camín Encantáu, Sidrería. Xixón
¡Yá llegó’l bonitu!

Por fin ye branu y por fin llegó’l bonitu a esti llocal que s’atopa en plenu ‘Barriu la Sidrw’, n’El Llanu, una de les fasteres preferíes polos xixoneses pa esfrutar de la cocina tradicional asturiana. ¿Cómo lu atopamos equí? Pos de bien estremaes maneres: en tacos, llombu, rodaxes, ventrisca… Acaldía la cocina enfótase por ufiertar lo meyor d’esti productu, polo que ye meyor entrugar por esta especialidá cuando vaigamos xintar o a cenar. Sidres: Arsenio, Canal, El Gobernador, El Santu, Villacubera y Sopeña.

Direición: Juan Alvargonzález, 41
T. 984 183 176
Xefe cocina: Aarón Espinosa González
Horariu cocina: 12:00 a 16:00 y 20:00 a 00:00
Descansu: Nun preslla.
Suxerencies: pexes y mariscos del Cantábricu, parrilla, carnes colloraes, arroces, cuenta con cetária propia

 

El Sitiu de Ñarres, Sidrería. Xixón 
Un bonitu perbién tresnáu

Equí guísase y abondo bien. La cocina ye saborgosa, bien tresnada, casera y con escelente rellación calidá-aprecio. Ye branu y destacamos dos ellementos d’esti llocal. El primeru, poques gracies, ye’l bonitu. Tresnáu a la chapa, con pistu o al ayu. El segundu ye la so amplia terraza que da a un parque, polo que ye una fastera perafayaíza pa tar cola familia, colos collacios y tamién por qu’esfruten los más piqueños de la casa. Amás de la so cocina, los veceros sorrayen el tratu familiar. La sidre qu’echen ye Peñón.

Direición: San Nicolás, 2
T. 984 390 700
Xefe cocina: Tino Rodríguez
Horariu cocina: 13:00 a 16:00 y 20:00 a zarru
Descansu: llunes (sacante festivos)
Suxerencies: arroz con bugre, caldereta de mariscos, tabla marinera, cachopos, rabu de toru, sollombu Wellington.

 

La Nueva Uría, Sidrería. Xixón
Con una magnífica terraza

Una de les meyores terraces de la ciudá, yá que s’atopa na escamplada de la piscina d’El Llanu y al pie del parque Los Pericones. Perafayaíza pa esfrutar del branu y pa los neños. Pero lo más importante —y d’ende’l so ésitu— ye la so cocina tradicional asturiana. Y por eso’l bonitu ye un de los sos platos más demandaos. Tresnáu en tacos “a la mio manera” (pimientos, cebolla y xamón); al ayu, en rollu y tamién ufierten una bien rica ventrisca a la chapa. Sidres: Acebal, Foncueva, Trabanco sobro la madre, El Carrascu y Villacubera.

Direición: Poeta Alfonso Camín, 32
T. 985 383 334
Xefa cocina: Laura Zapico
Horariu cocina: 13:00 a 24:00
Descansu: Nun preslla
Suxerencies: pexes y mariscos del Cantábricu

(Visited 2.445.555 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies