Inicio > AS > Eventos > Taller, danza y conciertu na Fiesta de la Sidre de Xixón
Eventos

Taller, danza y conciertu na Fiesta de la Sidre de Xixón

Ayeri tuvo llugar una intensa xornada d’actividaes en distintos puntos del cientru de la ciudá.

VER VIDIU ACTUACIÓN GRUPU CUADONGA

LA SIDRA.- Siguen les actividaes que formen parte de la Fiesta de la Sidre de Xixón que va tener llugar fasta’l prósimu domingu 27 d’agostu. Ayeri a les siete la tardi rializóse un taller sobro consumu responsable de sidre nel Campu Valdés. Corrió a cargu del Grupu de Salú ya Igualdá del Conseyu de la Mocedá de Xixón y nesti tratóse distintes temes rellacionaes cola sidre. En primer llugar mozos y moces fixeron una esposición sobro les distintes maneres d’ellaboración y consumu de sidre en dellos países europeos, eso sí, siempres con moderación. Los ponentes fueron: Luis Javier Martínez, Aarón Rubio, Raúl Felipe, Cristina Athanasopoulou y Barbora Vítková.

 

Estes dos caberes formen parte del Serviciu de Voluntariáu Européu y vienen de Grecia y República Checa, respeutivamente. Tamién tuvieron participando nel taller más mozos y moces de Conseyu de la Mocedá, como Paula Basteiro. Na charra tamién s’espunxo la importancia del echáu na sidre, y de xacíu, los riesgos que trai abusar del alcol. Coles mesmes llevóse a cabu una gymcana con “-Los ciguaos del alcol”. Dellos asistentes punxeron estos argadiellos que faen qu’el que les pon vea como “si hubiera bebíu alcohol y en distintes cantidaes”, y con elles puestes tuvieron que sortear una serie de torgues fasta llegar a la meta. Tou un deprendizaxe.

Ayeri tamién foi día de música. A les ocho y media la tardi, un gran númberu residentes y turistes pudieron esfrutar del Grupu de Coros y Dancies del Real Grupu de Cultura Cuadonga na Plaza d’Italia y la verdá seya dicho, tuvieron un gran ésitu. Los aplausos ente danza y danza, o cantar y cantar, dieron bona cuenta d’ello. Y finalmente a los diez, llevar a cabu’l “Conciertu de la Sidre” col sofitu de Sidre JR. El cantante y compositor Nando Agüeros axuntó a cientos de presones na Plaza Mayor.

(Visited 670.278 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies