Inicio > AS > Eventos > Premios del Mercaín de la Sidre y la Mazana
Eventos

Premios del Mercaín de la Sidre y la Mazana

Otorgáronse ayeri dientru la Fiesta de la Sidre de Xixón 2017.

LA SIDRA.- Los stands del Mercaín de la Sidre y la Mazana abren de magar les oncela mañana fasta la medianuchi. Y, hai que dicilo, los Xardinos de la Reina –llugar onde s’afayen- tan apinaos de turistes y asturianos que s’averen pa ver les pieces y productos qu’esponen los artesanos. Ayeri otorgáronse los gallardones que se dan en ca edición del mercáu. “El premiu al Productu más Novedosu” foi pa El Molín del Nora, una empresa d’auguardientes, llicores y cerveza que s’atopa en Noreña y que son ellaboraos por Olegario Díaz. Específicamente, el productu más novedosu del stand ye una Xinebra de Mazana. Esta ye suave, llixéramente afrutiada, pero tamién cunta col secante carauterísticu d’esta triba bébores.

 

 “El Premiu a las Mercancíes Meyor Presentaes” foi entregáu a Oleum Xabones. El taller dedícase a la cosmética natrual y nel so espositor podemos atopar una bayurosa gama productos como –amás de xabones-, veles con forma botella sidre y de mazanes, bálsamos de llaabios, aceites, y pa esta ocasión especial, diseñaron un ambientador de canela y mazana.

Finalmente, “El Premiu al Puestu Más Prestosu”, ganólu Lula Martín Creaciones. L’artista del taller ye Claudio Garigliano, que trabaya pieces de vidru recicláu de botelles de sidre y que, combinándoles con plata, fai pequinos, colgadiellos, broches y fasta imanes pa nevera. Toles pieces son úniques, orixinales y creatives. Pero hai muncho más: xelaos de sidre y de mazana, quesos a la sidre, artesanía de plata y acebache, empanaes, pan d’escanda, cerámica, o’l conocíu echaor manual Guxidrin.

El mesmu díi pela tardi tuvo llugar un taller sobro’l consumu responsable de Sidre nel Campu Valdés entamáu pol Conseyu la Mocedá de Xixón, y a les diez de la nuechi “El Conciertu de la Sidre”, na Plaza Mayor, sofitáu por Sidra JR y con Nando Agüeros de protagonista.

(Visited 660.006 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies