Inicio > Encamientos > ¡Superámosmos pal VIII SISGA!!
EncamientosEventosGastronomíaInternacionalLlagaresSidreturismuSISGATasties

¡Superámosmos pal VIII SISGA!!

Asistirán al congresu, amás de llagares asturianos y del territoriu español, representantes de más de 10 países de tres continentes, ente ellos Estaos Xuníos, Alemaña o Xapón.

LA SIDRA.-Torna un añu más -y yá van ocho- el Salón Internacional de les Sidres de Gala -SISGA’18-. El congresu qu’aconceya en Xixón a llagareros d’Europa, Asia y América de sidre de copa. L’alcuentru tendrá llugar los díis 28, 29 y 30 setiembre, demientres los cualos, llevaráse a cabu un gran númberu actividaes cola fin de dar puxu a esti productu que díi ente díi medra’l so consumu nel mercáu internacional, asina como de xenerar xinerxes ente los llagareros partici0pantes.

El díi clave pa dar a conocer los porductos de tolos llagareros sedrá la xornada de Tastia Abierta al públicu, el sábadu 29 setiembre. El llugar tornará a ser el Palaciu Revillaxixéu de Xixón (Plaza del Marqués,2) n’horariu de 12:00 a 21:00 hores. La entrada costará 6 euros y con ella facilitaráse una copa pa la degustación de los productos.

A destacar que nesta edición, amás de que s’acupará la Colexata San Xuan Bautista pa la Tastia Abierta, tamién s’utilizará’l Patiu los Asturicones, yá que s’incrementó l’asistencia de llagares y cuasique se duplicó l’espaciu d’esibición y degustación. Asina mesmo, programárense taties guiaes a lo llargo de tola selmana que sedrán impartíes polos propios llagareros tanto nacionales como internacionales, asina como por especialistes. Tola información podrá consultase nesta ueb, asina como nes nueses redes sociales de Facebook, twitter y google+

(Visited 544.251 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies