Inicio > Cultura sidrera > Presentación SISGA 2018
Cultura sidreraEventosInternacionalSISGATasties

Presentación SISGA 2018

Sedrá’l prósimu martes 25 de setiembre na Casa la Palmera de Xixón.

LA SIDRA.- El prósimu 25 de setiembre na Casa la Palmera en Xixón desendolcarase la presentación del Salón Internacional de les Sidres de Gala -SISGA’18-. Na rueda prensa desplicaranse tolos detalles del alcuentru. Intervendrán: Jesús Martínez Salvador, conceyal de Turismu, Esportes, Mocedá y Festexos de Xixón, Carme Pérez representante de la Fundación Asturies XXI –organizaora l’eventu–; Jorge González-Palacios, xerente de Divertia; y los llagareros Francisco Ordóñez de Viuda de Angelón y Ricardo del Río de Paca y Tola, dambos premiaos nel postrer SISGA’17 con reconocimientos a la ‘Meyor sidre esplumoso dulce’ y ‘Meyor sidre esplumoso rosao’, respeutivamente.

La VIII edición SISGA desendolcarase demientres los díis 28, 29 y 30 de septiembre. La Fundación Asturies XXI tien proyeutáu un completu programa d’actividaes p’afondar y dar puxu a esta bébora, los detalles de caúna d’elles daranse a conocer na presentación enantes mencionada. Ye de destacar la Xornada de Tasties Abiertes al Públicu, que tendrá llugar el sábadu 29 de setiembre na Colexata San Xuan Bautista y nel Placiu Revillaxixéu de Xixón de 12:00 a 21:00 hores. Tolos productores cuntarán con stands destremaos nos qu’amuesarán y darán a tastiar los sos productos. La entrada costará 6 euros y con ella facilitarase una copa pa tastiar los productos destremaos, tantu nacionales comu internacionales.

(Visited 672.207 times)
Anzu Fernándi
http://www.sisga.info
Anzu Fernández ye'l dellegáu internacional de LA SIDRA y la Fundación Asturies XXI, amás de coordinar les tornes. Elli ye l’embaxaor de la sidra asturiana nes principales feries internacionales de la sidra y responsable de les dellegaciones internacionales del Salón Internacional de les Sidres de Gala (SISGA).

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies