Inicio > Cultura sidrera > ‘Sidreturismu Asturies’, una allianza para dar puxu al turismu al traviés de la cultura sidrera
Cultura sidrera

‘Sidreturismu Asturies’, una allianza para dar puxu al turismu al traviés de la cultura sidrera

Güei presentóse el proyeutu turísticu que tien como estratexa aprovechar les oportunidaes qu’ufierten la producción de sidre y mazana

LA SIDRA.- Esta mañana presentóse en Llaboral Ciudá de La Cultura’l proyeutu ‘Sidreturismo Asturies’ que tien como oxetivu axuntar al seutor sidreru y al del turismu al rodiu d’un Clú de Productu pa promover y espublizar la cultura de la sidra como recursu turísticu.

Na presentación participaron Graciela Blanco, Viceconseyera de Turismu; María Begoña López, direutora xeneral de Desendolcu Rural y Agroalimentación; Julio Bobes, presidente del Clúster de Turismu Rural de Asturies; y Tino Cortina, presidente del Conseyu Regulador DOP Sidre d’Asturies.

La estratexa fundamental consiste n’aprofitar les oportunidaes que la produición de mazana y de sidre ufierta como atractivu turísticu, de manera asemeyao a lo qu’asocede con otros productos agroalimentarios. La puxanza del enoturismo n’España y n’Europa demuestra la oportunidá que pue significar p’Asturies la puesta en marcha d’una aición d’estes carauterístiques.

Dao que’l desendolcu d’esti productu turísticu tien de partir d’una allianza estratéxica y una coincidencia d’intereses ente’l seutor turísticu y el seutor productor, el grupu operativu encargáu de la puesta en marcha d’esti proyectu ye’l Clúster de Turismu Rural d’Asturies y el Conseyu Regulador de la Denominación d’Orixe Protexía de la Sidre d’Asturies. La Sociedá Pública de Xestión y Promoción Turística y Cultural del Principáu d’Asturies y el Clúster Agroalimentariu d’Asturies ASINCAR participen coles mesmes nel grupu como socios collaboradores.

Curiosamente, y magar la transcendencia que pa esti proyeutu tendría la declaración de la cultura asturiana de la sidra como Patrimoniu Inmaterial de la Humanidá pola UNESCO, nun se sabe res al respeutu, y mentes otres propuestes qu’escomenzaron la so andaura al empar que la de la cultura asturiana de la sidre -como les falles de Valencia- yá va años que consiguieron esta distinción, nel casu d’Asturies, el “Principado” nun llegó entá a sacalo allantre en Madrid pa entamar cola presentación de la propuesta na UNESCO.

(Visited 956.847 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies