Inicio > Eventos > Sidres tradicionales nel CiderCon 2018
EventosInternacionalTasties

Sidres tradicionales nel CiderCon 2018

L’Asociación Estaoxunidense de Llagareros (USAMC) ta faciendo una gran apueste pol remanecimientu de les sidres tradicionales.

LA SIDRA.- USACM ye una organización de productores de sidre de mazana y perea nos Estaos Xuníos cuya misión ye faer xorrecer una industria de la sidre estaoxunidense diversa y próspera por aciu l’espardimientu d’información interesante, recursos y servicios para los sos socios, asina como defendelos nel so nome.

El so programa, ente’l 30 xineru ya’l 2 febreru básase en trés categoríes, educación, defensa y asociación, y lluchen por complementar a los sos asociaos trabayando a nivel rexonal.

CiderCon surdió pa xenerar cambeos positivos na ellaboración, produición, mercáu y normativa de la sidre. Ye una oportunidá pa que la comunidá sidrera se xuna, comparta idegues, collabore y deprenda.

CiderCon dexa a los productores de sidre conocer a los sos compañeros d’oficiu y que compartan les sos idegues sobro les meyores práutiques, inovaciones y modes. Los alderiques que tienen llugar en CiderCon ufierten la base de la fuerza y diversidá de la industria.

En CiderCon 2018 les sidres tradicionales van ser presentaes con un programa de meses redondes y presentaciones per parte de los direutivos más apasionaos y esperimentaos del sector, incluyendo a Ryan Burk, Ian Merwin, Eleanor Léger y Tom Oliver.

Les sidres tradicionales son sidres ellaboraes con mazanes de consumu variáu o específiques de sidre, incluyendo les amargoses-dulces, acedes-amargoses, natives y, dacuando, mazanes monteses.

(Visited 2.466.707 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies