Inicio > Chigres > Sidrería El Restallu, pasión pola gastronomía
ChigresChigresEncamientosEncamientosGastronomía

Sidrería El Restallu, pasión pola gastronomía

Fai 21 años que Fernando Iglesias y Pilar Álvarez coyeron les riendes d’El Restallu. Más de dos décades al pie del cañón, que nun fueren posibles ensin el ciñu y la fidelidá de los veceros. Por eso, pensando nellos, el pasáu mes de febreru, quinxeron estimá-yoslo con una cellebración per tolo alto, na que nun faltó dengún detalle, dende los cortadores de xamón fasta una peramplia variedá de pinchos fríos y calientes, acompangaos de la meyor sidre.

El Restallu convirtióse, por méritos propios, en tou un referente de la gastronomía asturiana gracies a una escelente cocina, na qu’empleguen materies primes de la meyor calidá, sofitada nun gran serviciu, con una plantía estraordinaria y bien profesional, que lleva tantos años formando parte del negociu, que se convirtió n’una parte más de la familia. Echando la vista tras, como apunta Pilar, “el balance ye bien positivu, hebio momentos malos demientres la crisis o de la qu’ abrimos, pero tamos bien satisfechos porque sentimos el ciñu y la reconocencia de la xente y ende, ye cuando ves que mereció la pena tantu trabayu, tiempu y dedicación”.

Con una ufierta gastronómica na que destaca’l so popular menú d’arroz con bugre, y qu’inclúi tamién los meyores pescaos y mariscos del Cantábricu, asina como una peramplia carta, na qu’atopamos dende los meyores platos de la cocina tradicional asturiana fasta carnes, tantu del país como d’importación, pasando per una amplia variedá de raciones, ideales pal picotéu, pudiendo tastiales tamién en barra, aprovechándose asina les ufiertes y promociones. P’acompangales, los veceros puen escoyer ente la sidra de Peñón o la DOP d’Herminio, Zythos.

VER ARTÍCULU COMPLETU

Sidrería El Restallu. Decano Prendes Pando, 6. Xixón   T. 985 350 048

(Visited 839.306 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies