Inicio > Eventos > Entamen les xornaes del Oriciu del Yumay
EventosGastronomía

Entamen les xornaes del Oriciu del Yumay

Los Gastrónomos del Yumay cellebraron ayeri l’entamu d’estes xornaes nomando confráderes predileutos a la DOP Sidre d’Asturies y a l’asociación quesera “Pláganu”

LA SIDRA.- Les distinciones foron recoyíes por Tino Cortina, presidente del Conseyu Regulaor de la DOP “Sidre d’Asturies”, que defendió’l valor de la gastronomía asturiana y manifestó el so enfotu en que les futures xeneraciones d’asturianos sigan sabiendo aprecialo y por José Jiménez, presidente de l’Asociación de Quesos “Pláganu”, qu’ente otres custiones anunció novedaes nel panorama queseru asturianu y destacó la trescendencia que tendrá la prósima cellebración en payares d’esti añu de la World Cheese Awards.

Na xornada de naguración pudo degustase un menú bien prestosu, qu’entamó con paté d’oricios y paté de pexe, platu d’ibéricos, oricios crudos y cocíos, y quesu La Peral y Cabrales, too ello vien acompangao por sidre Muñiz d’Escoyeta y un vinu albariñu gallegu.

(Visited 748.126 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies