Inicio > Chigres > Casa Güelu, tradición y bon productu
ChigresEncamientosGastronomía

Casa Güelu, tradición y bon productu

Esti chigre avilesín, nauguráu’l pasáu mes d’abril, apuesta por una cocina tradicional asturiana y el tapéu de siempres, destacando’l so menú diariu y faciendo espiches y xintes d’empresa, nes que nun faltará la sidre asgaya.

LA SIDRA.- Avilés tien un nueu puntu referencia pa los amantes de la sidre. Casa Güelu abrió les sos puertes de la man de Catya Suárez, pa ufrir a los veceros la meyor gastronomía asturiana, y sobro too, sidre asgaya.
Con una cocina tradicional, busquen la escelencia con unos productos de primerísima calidá, dende’l meyor pexe de la rula d’Avilés, pasando pola merluza del pinchu de Cuideiru, los embutíos de Casa Ezequiel o el chuletón vascu Txogituxu.
Con menús diarios y de fin de selmana, esti chigre, qu’abre tolos díis de la selmana a les seyes de la maána pa dar el meyor serviciu al so veceru, entama espiches y cenes d’empresa, nes que, por supuestu, nun falta la meyor sidre, nesti casu la de Trabanco, Trabanco d’Escoyeta o Menéndez. El so apueste pola bébora tradicional asturiana ye un fechu y, amás, de da-ty los curiaos precisos pa que tea perfecha pa sedrvir y ufrir un echáu de calidá, demientres la selmana inclúin ufiertes nes que puen tomase unos culinos con, por exemplu, dos tortos de morciella matachana y picadillu, a un módicu preciu.
Arrodiáu d’un gran ambiente, dientru la so carta, p’aquellos que namás quieran picar daqué, podemos alcontrámos col tapéu de siempres. Una amplísima variedá de platos, dende los chipirones a la chapa fasta les clásiques pataques tres salsies, pa quitar l’afoguín y esfrutar de la xinta na meyor compaña. Amás del pexe de la rula, comu’l virrei o la chopa, hai de destacar el so bacalláu a la vizcaína o a la portuguesa.
(Visited 889.769 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies