Inicio > AS > Noticies > Sidre L’Allume, premiu Pegollu
Noticies

Sidre L’Allume, premiu Pegollu

El Llagar L’Allume, vien de recibir el premiu Pegollu que concede la Xunta pola Defensa de la Llingua Asturiana.

LA SIDRA.- Esti premiu, concedíu añalmente pola XDLA dende hai más de 30 años dientru los Premios Andrés Solar, hestóricu militante de la izquierda nacionaliega asturiana y perdestacáu escritor n’asturianu, destaca a les presones, asociaciones o istituciones que más rescamplara pol so llabor en defensa o promoción del asturianu, daqué qu’esti añu foi concedío al Llagar L’Allume, reconociendo-y asina’l llabor d’esta empresa, “que vien llevando alantre un proyeutu cooperativu d’ellaboración y comercialización de sidre usando y visibilizando l’asturianu tantu nel productu comu na so difusión comercial y publicitaria. Por eso son bonos merecedores d’esti premiu”.

 

El Llagar L’Allume ye ún de los poquísimos llagares asturianos que respeta la cultura y la identidá asturiano, emplegando davezu la nuesa llingua, daqué percurioso si camentamos que los llagares siempres reclamen más atención por ser la sidre un productu asturianu y en dellos de casos (DOP, Escoyeta), por emplegar mazana asturiano; por embargu’l so asturianismu paez acabar ellí onde lleguen los sos intereses, porque con honroses esceiciones, la so falta d’apreciu a la llingua asturiana ye vergoñante dafechu.

El premiu entregaráse el prósimu sábadu 19 d’avientu na sala d’actos del CCAI (Xixón).

(Visited 864.448 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies