Inicio > Eventos > En Madeira, Fiesta de la Sidre y Ier Concursu Internacional
EventosInternacionalSISGA

En Madeira, Fiesta de la Sidre y Ier Concursu Internacional

El presidente de la Fundación Asturies XXI, Marcos A. Fernández, va formar parte del panel de peritos de la primer edición del Concursu Internacional de Sidres Naturales Madeira’23.

LA SIDRA.- Esti primer concursu internacional ye una iniciativa de la Secretaría Rexonal d’Agricultura y Desendolcu Rural de Madeira, que pretende “cellebrar, valorizar, promover, sopelexar y premiar la producción de Sidre Natural de cualquier estilu/categoría –dulce, gasificao, aromatizao, esplumoso, de baxu conteníu alcólicu o ensin alcol- y orixe xeográficu”.

L’oxetivu ye asitiar a Madeira como destín d’escelencia d’eventos de calter profesional, contribuyir a la modernización teunolóxica entamada pol gobiernu Rexonal de Madeira al traviés de la creación d’una rede de mini-llagares locales y a les inversiones na recuperanza y desendolcu de les pumaraes de mazana y pera na rexón.

Amás tán realizando esfuerzos no que cinca a la reconocencia del productu pola Xunión Europea en cuantu Indicación Xeográfica Protexía -IXP-.

Nesi en, esti Concursu Internacional de Sidres Naturales, dotóse d’un equipu internacional de peritos de reconocida competencia ya imparcialidá, ente los que s’atopa Marcos A. Fernández, presidente de la Fundación Asturies XXI, pa la realización d’una prueba especializada ‘a ciegues’, rigorosa ya independiente, que va premiar a los meyores y va dar asina a el productores nueves ferramientes de divulgación y valorización de los sos productos nel mercáu.

Nel nuesu país yá toviemos la oportunidá de tastiar sidres madeirenses, gracies a la participación de distintos llagares de dicha islla portuguesa na pasada edición del Salón Internacional de les Sidres de Gala -XII SISGA-, onde sosprendieron pola so acuridiada ellaboración y bon resultancia final, resultando abondo similar a la sidre asturiano poles carauterístiques de les mazanes utilizaes y pol métodu de formientaura.

 


(Visited 2.546.862 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies