Inicio > Sin categoría > Sentencia hestórica pa la botella de sidre
Sin categoría

Sentencia hestórica pa la botella de sidre

La botella de sidre asturiano ‘molde fierru’ namás podrá ser utilizada polos llagareros de la ‘Asociación de Sidra Asturiana’ -ASSA-, lo que pon nuna situación enguedeyada a los llagareros asturianos que nun tean na asociación, y permite que llagareros non asturianos que s’apunten a ASSA puedan corchar cola botella asturiana.

El supremu blinda la botella de sidre “Molde de fierru’ confirmando’l su usu esclusivu polos llagareros que tean asociados a la Asosciación de Sidra Asturiana y revoca les sentencies que declararen la nulidá de la marca.

Dende l’Asociación de Sidre Asturiano, ASSA, anuncien que, finalmente, los tribunales fallaron al so favor n’una sentencia yá definitiva, ensin opción a recursu, que reconoz la validez del rexistru de la botella “molde de fierru” como marca, lo qu’implica que namás va poder ser utilizada para comercializar sidre natural ellaborao n’Asturies.

El procesu foi llargu y duru polos contratiempos que se foron atopando oel camín pero sobromanera, polo solos que se vieron n’ASSA. Y ye que ye necesariu destacar que toa esti bracéu por defender lo que ye parte de la nuesa identidá como asturianos, llevóse a cabu como una aición 100% empresarial, ello ye, colos recursos propios de los asociaos, yá que nun recibieron sofitu istitucional de denguna triba.

“Trátase d’una sentencia relevantísima”, como indica José María Muñoz Parés (despachu Garrigues), abogáu del procedimientu, “non solo porque corrixe la decisión errada del Xulgáu y de l’Audiencia, qu’inclusive negaren qu’esa botella tuviera calter distintivu, cuando ye vultable que tol mundiu la identifica como de sidre natural asturiano, sinón porque confirma dafechu la so validez como marca y dexa, por tanto, a ASSA protexer al seutor énte cualisquier intentu de vender sidre procedente d’otres rexones presentándola na mesma botella.  De xacíu, los llagares de fora, como Somarroza van poder siguir vendiendo la so sidre, pero n’otra botella y ensin beneficiase del trabayu de tantos años de los llagareros asturianos. Dende un puntu vista xurídicu, sienta doctrina respecto de cómo deben d’interpretase les prohibiciones de rexistru de marques cuando se trata d’envases”.

Antecedentes

La botella de sidre asturiano, conocía como botella “molde de fierru” lleva usándose dende 1880, ello ye, dende fai más de 140 años, pa corchar sidre natural n’Asturies. Más d’un sieglu dempués, cuando la botella dexara de ser una simple botella pa convertise nun signu identificativu de la sidre natural asturiano, ASSA, l’Asociación de Sidre Asturiano, que representa a los sos productores, rexístrala como marca tridimensional.

Sicasí, nos postreros tiempos atopamos con que nel mercáu apaecíen otres sidres naturales, ellaboraes por productores d’otres rexones (delles contrucies, como Galicia o Cantabria, y otres daqué más alloñaes como Zamora o inclusive Llevante), envasadas cola botella rexistrada pola Asociación. Toos ellos, al ser alvertíos del rexistru, cesaron nel so usu, sacante un llagar santanderín (Sidra Somarroza) que, ignorando los drechos de l’Asociación siguió emplegando la botella para envasar la so sidra.

Énte esta situación, l’Asociación de Sidre Asturiano, decidió presentar una demanda frente a Sidra Somarroza por frayar talos drechos, encamentando la so defensa al equipu del despachu Garrigues qu’encabeza José María Muñoz (sociu responsable de Llitigación y Arbitraxe de Garrigues  n’Asturies y Castiella y Llión y Caderalgu de Drechu Mercantil).

Sidra Somarroza opúnxose a la demanda y solicitó la nulidá de la marca de la botella altricando qu’ésta nun axuntaba los requisitos de la Llei de Marques al tar formada puramente por ellementos téunicos destinaos a favorecer el caltenimientu y echáu de la sidre y por escarecer de calter distintivu.  Caltenía, d’últimes, que la botella nun sirvía pa estremar el productu.

Tantu’l Xulgáu de lo Mercantil nº 1 de Santander como l’Audiencia Provincial de Cantabria, llamentablemente, acoyeron les pretensiones de Sidra Somarroza y declararon la nulidá de la marca de la botella rexistrada pola Asociación, lo que suponía que cualaquier presona podría utilizala pa envasar sidre natural.

Énte tan gravosa situación, ASSA decidió recurrir al Tribunal Supremu que, na so recién Sentencia de 19 de xunetu de 2023, envaloró’l recursu presentáu por Garrigues, reconociendo la validez del rexistru de la botella molde de fierru como marca, lo qu’implica que namás pue ser utilizada polos llagareros de ASSA pa comercializar la so sidre. 

Na vista cellebrada nel Tribunal Supremu’l pasáu mes de mayu, l’abogáu de l’Asociación defendió’l calter distintivu de la botella, reconocible por cualesquier consumidor, qu’inclusive ensin etiqueta sabe que contien sidre natural ellaborao n’Asturies, y que los ellementos téunicos de la botella (pensada pa facilitar l’echar sidre) nun torga a terceros utilizar otres que, siendo distintes, peritieren echálo.  El Tribunal Supremu, asumiendo esos argumentos, considera na so Sentencia que la botella ta formada por numberosos ellementos, non yá téunicos, que la faen única y perfechamente reconocible ya identificable polos consumidores que, namás con vela, puen estremar l’orixe empresarial (sidre natural procedente de llagares d’Asturies) y, arriendes d’ello, tien de ser protexía como marca.

Por tanto, conderga a Sidra Somarroza a cesar nel usu d’una botella sobro la cual nun tien dengún derechu, pos agora, sí que ye induldable, qu’ésti correspuende n’esclusiva a los llagareros asturianos de ASSA.

VER SENTENCIA COMPLETA


(Visited 2.615.012 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies