Inicio > Chigres > ¿Sabes echar sidre?
ChigresCultura sidreraDellosEncamientos

¿Sabes echar sidre?

El Clú de LA SIDRA entama un taller na sidrería La Montera Picona de Ramón

LA SIDRA.- A lo meyor yá sabes y lo que quies ye perfeicionar l’estilu, conocer más de la hestoria, la téunica, como ye la puntuación nos concursos… o cenciellamente pasalo bien con otres presones amantes de la sidre y la so cultura.

Por eso, y pa eso, el Clú de LA SIDRA entama’l prósimu xueves 24 de marzu un taller na xixonesa sidrería La Montera Picona de Ramón, onde se cuntará cola presencia ya intervención de Gerardo Menéndez, propietariu del llagar del mesmu nome; Daniel Ruiz en representación de la DOP Sidre d’Asturies; y mui especialmente, coles grandes echaores: la campiona Loreto García de la Sidrería El Madreñeru -La Pola Sieru- en representación del Concursu d’Ecahores; y Alejandra Venegas de la propia Montera Picona de Ramón, que sedrán les encargaes d’impartir los aspeutos más práuticos d’esti arte tan asturianu al que non siempres se-y dedica l’atención que merez.

El taller tendrá calter mensual, y ta previsto que se rialice por sistema’l penúltimu xueves de ca mes, na mencionada sidrería, con un horariu de 20 a 21:30 h. Eso sí, es places son llimitaes y acuparanse per rigurosu orde d’iscripción.

El preciu d’esti cursín sedrá de 10 € (5 € pa miembros del Clú de LA SIDRA) por presona y pa cauna de les xornaes.

P’apuntase y más información:

  • LA SIDRA
    • T/ Whatsapp: 652 594 983
    • Corréu lletrónicu: adlasidra@gmail.com
  • Sidrería La Montera Picona de Ramón
    • T. 984 190 237

Entama:

  • Clú de LA SIDRA / Fundación Asturies XXI

Sofita:

  • Sidrería La Montera Picona de Ramón
  • FMCEYUP del Ayuntamientu Xixón

Collabora:

  • Sidrería El Madreñeru
  • Sidra Menéndez
  • Concurso de Escanciadores
(Visited 1.546.020 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies