Inicio > Cultura sidrera > La sidre xube al escenariu con Clarisse Lavanant
Cultura sidreraInternacionalSidreturismu

La sidre xube al escenariu con Clarisse Lavanant

La cantante bretona ganóse al públicu del Festival Intercélticu d’An Oriant y desllumó nun Espace Marine con toles entraes vendíes.

LA SIDRA.- A vegaes los festivales escuenden auténtiques ayalgues na so programación en forma de ciclu de conciertos o con grupos teloneros. Foi esti’l casu de la bretona Clarisse Lavanant, encargada d’abrir el segundu gran conciertu del 49º Festival Intercélticu d’An Oriant la pasada nueche del 4 d’agostu, cuyu platu principal yera la perconocía Nolwenn Leroy.

L’Espace Marine taba atarriquitáu y la xente tenía ganes de pasalo bien nel primer fin de seLmana de la programación. D’entamu, un escenariu de proporciones pantagruéliques: non en vanu, estA ye la mayor sala conciertos d’An Oriant. Salió al escenariu una figura vestía colos collores de la mazana maduro: Clarisse Lavanant. Y, en menos de cuarenta menutos, mayó cola so voz la sidre más rico.

La bretona fizo en siete canciones un espectáculu cien por cientu del país: entefilando melodíes de Dan ar Braz, Youen Gwernig ya Georges Moustaki, tresfromó l’ánimu del respetable y púnxolu de pie. Yá a la hora de despidise, algamó que tol mundiu xuniera la voz pa canciar Son ar Chistr, canción típica que fala de la bébora estrella del mundiu celta: la sidre. Bona pena que nun se pudiere meter nel llugar una pipa y montar la espicha ellí mesmo.

Dempués llegó’l turnu de Nolwenn Leroy, famosa cantante bretona que dióse a conocer nos reality shows musicales del estáu francés, que siguió col so repertoriu y con versiones de clásicos del folk internacional.

(Visited 619.064 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies