Inicio > Chigres > “Récor absolutu” nel concursu d’echaores de Xixón
ChigresCultura sidreraDellosEventosEventosLlagaresLlagares

“Récor absolutu” nel concursu d’echaores de Xixón

Jorge Vargas faise col entítulu de venceor nuna plaza que se-y resistiere fasta ayeri
Güei ye un díi clave na Fiesta de la Sidre Natural, intentaráse bater el récor… hai qu’algamar los 9.403 + 1 culinos

LA SIDRA.- El que la sigue consíguela dicen, y ayeri por fin Jorge Vargas (de les sidreríes El Mallu) fexo honor a esti reflán. Fo’l venceor de la preba xixonesa del Campionatu Oficial d’Echaores d’Asturies: un entítulu qu’enantes resitíerase-y -y que sí algamara n’otres places- y pol qu’agora afirma sentise maraviáu”. “Los mios collacios, ente ellos, Salvador Ondó y Wilkin Aquiles motivámosmos pa facer un bon papel nestos concursos” dixo l’echaor dempues de recibir la reconocencia de les manes del conceyal de Turismu, Esportes, Festexos y Xuventú de Xixón, Jesús Martínez Salvador, de la direutora del Teatru Xovellanos Teresa Sánchez, y tamién de Rosabel Berrocal, entamaora del festival dende 1996 qu’esti añu sedrá reconocía col Tonel d’Oru pol so llabor. Vargas fo’l ganaor de la categoría xeneral, pero tamién hebio premiu na llocal, que foi pa Pelayo Rodríguez, del Rincón de Celia. “Bon echáu, bona sidre y unos cachopos como nun los hai” dixo pa esti mediu comunicación l’echaor.

La preba xixonesa ye una de les más importantes dientru’l campionatu. Ayeri la plaza l’ayuntamientu taba apinada de xixoneses y turistes qu’adicaben con gran atención a los 53 participantes del concursu. “Un récor absolutu” afirmó Enrique Tuya, cordianor del campionatu. Hai de siñalar qu’al finar la competición tuvo llugar la entrega de “La Etiquetina Más Guapina” de Xixón, qu’otorga ca edición el grupu de colleicionismu Sidrastur. La nueva imaxe de Cabueñes, asoleyada nesti añu foi la gallardonada poloq ue’l llagareru Diego Agüera amosóse “peragradecíu” pola distinción.

Güei ye un díi clave dientru la Fiesta de la Sidre Natural de Xixón. Un añu más buscaráse bater el récor d’echáu. P’algamalo 9.403+1 presones tendrán d’echar un culín al empar. La cita, como n’ediciones pasaes, ye na sablera Castrillón. La entrada sedrá per Salvamentu y podrá acedese a la fastera d’echáu dende les 18:00 hores. Fos hores más tardi, a les 20:00 hores sedrá’l momentu nel que tolos asistentes, botella en man, tornen -oxallá que si- a faer hestoria nuna de les ciudaes con más cultura sidrera d’Asturies.

 

(Visited 639.251 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies