El 6 de xunetu abría les sos puertes en Ciañu el nuevu proyeutu del Llagar Sidra Alonso.
A un pasu del propiu llagar, a 200 metros del Ecomuséu Mineru y con una decoración moderno, pero prometiendo caltener la so filosofía de siempres, comida rico y abondoso de la cocina de Mari y José y Javi echando de la so sidre.
Había que dir a comprebalo en persona y poner a preba’l nuevu establecimientu d’Alonso.
Tenemos de dicir qu’esti Pulpu Amariscáu en Salsa Sidre aprebó con nota alto.
La sidre intensifica’l saborgu del pulpu, tienru, y los mariscos apurren-y una perbona gama de matices que lo faen más interesante. Reconozo que’l platu quedó llimpiu ¡Nun podía desperdiciase nin un plizcu d’esa salsia!.
Sicasí, sobro tou pa neófitos de la gastronomía asturiana, recomendamos pidir el Menú Degustación Asturianu, echámos-y una güeyada y abultómos bien completu.
Sidrería Alonso- Puente Cabrón 38 – Ciañu. Llangréu T. 670 72 05 57
