La naguración del XIII Salón Internacional de les Sidres de Gala –SISGA- correra a cargu del reputáu enólogu del Val d’Aosta, Gianluca Telloli, aniciaor del llagar Maley.
LA SIDRA.- La mañana del xueves 28 setiembre nes istalaciones del Hotel Zentral Rey Pelayo va tener llugar la naguración del XIII SISGA, na que va intervenir el téunicu agrícola y enólogu italianu, Gianluca Telloli, impartiendo una tastia de les sos sidres, y esponiendo la filosofía del so llagar, y les espeutatives de futuru del so llagar en particular, y de la sidre mediterránio nuna perspeutiva de sostenibilidá paisaxística y medioambiental
El llagar de Maley, aniciáu por Gianlucca en 2012, tien la so see en Brisogne, Val d’Aosta y ente los oxetivos d’esta empresa ta promover y dar a conocer la guapura y l’harmonía de los pumares centenarios del Mont Blanc y el Cervino-Matterhorn que Gianluca Telloli aidó a salvar de la estinción: Raventze, Antey Renetta, Barbelune y Groin de Veau.
Gianluca produz una sidre esplumoso col métodu tradicional (como’l xampán), de magar d’un amiestu ente la mazana autóctona Raventze y la mazana Coison de Boussy, amás, siguiendo la tradición alpina, la pera Blesson amiéstase demientres el primer prensáu de les mazanes.
Gianlucca Telloli vien participando nel Salón Internacional de les Sidres de Gala cola sidre del so llagar –Maley- cuasique dende’l so entamu, con un notable ésitu, al altor de la calidá del so productu.
