Inicio > AS > Noticies > Pack d’esperiencies especializáu en sidre
Noticies

Pack d’esperiencies especializáu en sidre

VivoboxLa empresa Vivobox, asitiada n’Avilés ufre “cofres turísticos” asturianos

LA SIDRA.- La empresa avilesina Vivobox ye una empresa pionera. ¿Qué ufre? Packs d’esperiencies llocalizaes n’Asturies y vinculaes a empreses llocales. Comu nun pue ser d’otra iente, la sidre ye ún de los sos puntos fuertes. Los llagares que puen visitase son Trabanco, Castañón, Cortina y Viuda de Angelón.  Estes visites formen parte d’un pack llamáu “Sidre, quesu y vinu”. Ye pa dos presones ya inclúi visites guiaes pa conocer el procesu d’ellaboración de los productos y una degustación y un obsequiu en ca llugar.

 

En cuantes a les queseríes tradicionales, inclúinse Maín, Bedón, Rebollín, Los Caserinos, El Viejo Mundo y La Collada. Y, comu llagar de vinu, destaca la visita a Monasterio de Courias.

La nueva propuesta de Vivobox ye un apueste, amás, poles marques de calidá y les Denominaciones d’Orixe n’IGP’s del seutor agroalimentariu asturianu. Pa diseñar la ufierta d’esti pack, la empresa colalboró col sellu de calidá Sidre de Mazana Seleicionao, la DOP Sidre d’Asturies, Cabrales, Afuega´l Pitu, Quesu Casín, Vinu Cangas y la Indicación Xeográfica Protexía Los Beyos.

(Visited 683.810 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies