Inicio > AS > Noticies > LA SIDRA nel I Festival de la Conserva Asturiana
Noticies

LA SIDRA nel I Festival de la Conserva Asturiana

LA SIDRA cunta con un estand propiu nel Festival de la Conserva Asturiana que ta cellebrándose en Cuideiru demientres tol fin de selmana.

LA SIDRA.- La villa pixueta cellebra del 1 al 3 de xunetu el I Festival de la Conserva Asturiana, un eventu que ñaz col enfotu de convertise en puntu d’alcuentru y dar a conocer los magníficos productos conserveros del país, y gracies a la collaboración con Ayuntamientu Cuideiru, LA SIDRA cunta con un estand propiu dende’l que dar a conocer non solo la nuesa revista, sinon a la propia sidre, averándola a esti importante festival y entamando una tastia guiada que se cellebrará mañana sábadu nel Restorán Los Arcos de Cuideiru, a cargu de los espertos Manuel G. Busto y Donato Xuaquín Villoria.

 

La presencia de la sidre, comu bébora asturiana por escelencia, nesta triba d’eventos, facilita la so conocencia y que se rellacione’l productu col seutor agroalimentariu en xeneral, ensin llendase a lo que ye propiamente la folixa y la hostelería, respondiendo asina al enfoque multidisciplinar que tien la sidre y que se reivindica cuandu se pretende que la UNESCO reconoza la cultura asturiana de la sidre comu padrimoniu Imaterial de la Humanidá, por muncho que la incapacidá y el desenfotu del “Principado” lo tean poniendo en pelligru.

(Visited 656.654 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies