Inicio > Gastronomía > Harmonizaciones colos llagares participantes nel Salón Internacional de les Sidres de Gala
GastronomíaSISGA

Harmonizaciones colos llagares participantes nel Salón Internacional de les Sidres de Gala

Semeya: David Aguilar Sánchez

El congresu amosó la gran variedá de productos que se tán ellaborando en países de tolos continentes; na revistala LA SIDRA númberu 201 proponemos idegues de combinaciones con platos del restorán El Duque

LA SIDRA.- Ye sorprendente la gran variedá de sidres que podemos atopar nel mercáu. Per un llau, son bébores que tuvieron presentes na tradición gastronómica de distintos países como Reinu Xuníu, Francia, Estaos Xuníos o Alemaña. Motivu pol que, les sos formes d’ellaboración son singulares, propies de ca territoriu.

Un bon exemplu d’esta variedá pudo costatase nel pasáu Salón Internacional de les Sidres de Gala, cellebráu en Xixón pesia les restricciones pol andanciu. Más de 70 llagares nacionales ya internacionales participaron nel certame que se realiza teniendo como marco’l citáu congresu. Amás llevóse a cabu un Brunch de Gala nel restorán d’El Duque, nel que s’harmonizaron delles de les bébores presentaes con estremaes propuestes gastronómiques del establecimientu, que, hai de mentar, nel 2016 foi reconocíu col Premiu Platu d’Oru a la Gastronomía Nacional.

Dalgunos de los platos fueron: Gratináu de quesu cabra y cebolla confitao, Endivies con tartar d’aguacate y salmón, Croquetines de xamón de Tinéu, Canapés de tortiella de merluza del Cantábricu, Monchetes de corderín rustíu d’Asturies, Chipirón prietu rellenu, Carambelos de mazana y morciella asturiana o Mini sándwich de pitu guisáu.

Tolos harmonizajes puen consultase en: https://issuu.com/lasidra.as/docs/la_sidra_201/31

(Visited 1.054.142 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies