Inicio > Eventos > Nava va a por toes
EventosLlagaresSidreturismuTasties

Nava va a por toes

El XLV Festival de la Sidra de Nava, que se cellebrará del 8 al 10 de xunetu, apuesta por reinventase y yá cunta con cartelu oficial: ‘Bon vasu’

LA SIDRA.- El diseñaor José Manuel Oteru foi’l ganador del concursu de cartelos, al que se presentaron un total de 49 artistes qu’intentaron espeyar lo meyor posible l’espíritu del emblemáticu festival navetu qu’esti añu cellebra la so 45º edición.

El xuráu, presidíu pol alcalde, Juan Cañal, y formáu por Leocadio Redondo, Carmen Montes, Nachu Quesada y José Ornia valoró especialmente nesti cartelu, de nome ‘Bon vasu’, el  colloríu y l’allegría del mesmu, qu’entienden capta la esencia del festival, con participación, ritmu, diversidá y referencies gráfiques a les cellebraciones.

En pallabres del autor “La idega inicial yera más complexa y con más conteníu, pero nun me convenció y fui suprimiendo ellementos fasta concluyir nuna visión que me sosprendió fasta a min», desplicando que se trata d’un cartelu «nel que se representen el ritmu, la diversidá y la redolada festiva al traviés del chorru sidre que xune la man y el vasu».

Y ye que tres dos años de pandemia, el Festival de la Sidre de Nava –declaráu d’Interés Turísticu Nacional- pretende recuperar la so sencia y tresmitir optimismu, reinventándose lo que seya preciso pa dir a más, anunciándose interesantes novedaes, como la xinta na cai que va tener llugar el domingu 10 de xunetu.

Nesta dinámica, el Festival de la Sidra de Nava tamién opta al títulu de ‘La meyor fiesta d’España’ qu’otorga’l portal d’agospiamientos de turismu rural ‘Clubrural’. La cellebración naveta colóse ente lws diez finalistes de la tercer edición de ‘La mio fiesta ye la meyor’, que tres dos años de posa de resultes del andanciu torna a convocar el concursu, del que va resultar vencedora la cita que más votos llogre na web.

(Visited 1.563.091 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies