Inicio > Cultura sidrera > La sidre na industria asturiano
Cultura sidrera

La sidre na industria asturiano

El martes cellebrose la segunda parte del ciclu de conferencies “Perspeutives de la Industria Asturiano” nel RIDEA (Real Istitutu d’Estudios Asturianos).

LA SIDRA.- El 30 de xineru a les siete y media de la tarde tuvo llugar un nuevu ciclu de conferencies nel que s’apostó por crear nueves propuestes para la produición y comercialización de la sidre.

Nelli intervinieron José Cardín Zaldívar, xerente de Valle, Ballina y Fernández S.A. Sidre El Gaiteru y José Masaveu Herrero, del grupu Masaveu Bodegues, quien apostaron por aplicar la innovación al seutor y protexer al productor.

Dambos apelaron a la singularidá de la cultura sidrera asturiana como fechu distintivu que tien de contribuyir a remarcar la so diferenciación y allugamientu nel mercáu.

José Cardín repasó les estremaes tribes de sidra y apuntó la problemática del preciu na sidre natural d’echar. Según Cardín, los asturianos nun valoramos la sidre, yá que nun almitimos una xubida nel preciu de la botella como faemos con otros productos, lo que contribuyiría a aumentar la so calidá.

En pallabres de Masaveu, la sidre tien d’establecer “emociones”, que xeneren interés y poles que’l consumidor tea dimpuestu a pagar. Coles mesmes definió la so sidre de xelu como productu “gourmet” que pue competir ensin problemes coles canadienses, tanto por calidá como por preciu.

(Visited 501.651 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies