Inicio > Chigres > Sidracrucis’18 ¡Pasión Sidrera!
ChigresCultura sidreraEncamientosEventosGastronomíaLlagaresPSLASidreturismuTasties

Sidracrucis’18 ¡Pasión Sidrera!

La XIV edición del Sidracrucis cellebraráse’l vienres 30 de marzu y pasará per 10 chigres, la Primer Sidre L’Añu y trés llagares, con sidre y xinta a fartucar y espichona final.

LA SIDRA.- La procesión más sidrera qu’esiste dirá esti vienres santu de chigre en chigre y de llagar en llagar nun idílicu pelegrinar que dará bona muestra del fervor sidreru de los participantes. De les 12 del meudíi fasta les 10 de la nuechi, con autocares dende Uviéu y Avilés, gaita, pinchos pal cuerpu y sidre pal ánima. Eso sí, ¡¡places llimitaes!!

Sidracrucis ye la procesión más sentía y más sidrera de la Selmana Santa, la que más esfuerzu requier, na que los participantes nun aparren nel so enfotu por demostrar honor y respetu a la sidre asturiano.

El fervor folixeru de los amantes de la sidre ye la principal carauterística d’esta procesión que lleva percorriendo los templos de la sidre dende va 14 años!!

Anque tovía habrá delles incorporaciones, agora mesmo podemos alantrar qu’esti XV Sidracrucis pasará peles sidreríes  Montera Picona, Cabañaquinta, Casa Julio, La Tonada, La PámpanaLa Mata, La Canasta, Bambú, La Mata y Nueva Uría, parada d’avituallamientu pela Primer Sidre L’Añu, y  yá pela tardi pelos llagares El Duque, Cabueñes y Bernueces, onde tendrá llugar la espicha final.

El preciu sedrá de 65 € por presona, que nel casu de grupos de trés p’alantre, Sidracruceros hestóricos, y/o collaboraores de la revista, quedará en 60 €

Comu davezu tenemos que remembrar qu’el númberu de places pa participar nel Sidracrucis ye necesariamente llimitáu, polo que ye preciso apuntase aína si nun se quier quedar en tierra

T. 652 59 49 83 / e-mail: sidracrucis@lasidra.as

VER SIDRACRUCIS 2017

(Visited 421.033 times)

7 thoughts on “Sidracrucis’18 ¡Pasión Sidrera!

Comments are closed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies