Inicio > Chigres > La mar, en Casa José
ChigresEncamientosGastronomía

La mar, en Casa José

Si yes d’esos que creen que la bona comida namás s’alcuentra a gran preciu ya en llocales elitistes del centru, el carismáticu José, que s’encarga de la sidrería homónima n’El Natahoyo romperá los tos esquemes.

Casa José ye un chigre de barriu nel que los veceros se conocen de tola vida y nel que, si yes nuevu, enseguida vas sentite comu en casa.

El platu que tomemos de primeru foi salpicón de mariscu, xugosu y frescu, que resaltaba’l so bon tastu cola sidre, de Piñera, col que lu acompangamos.
El segundu platu, encamentáu direutamente pola escelente cocinera, la muyer de José, Cristina, nun perdía el calter mariñán.

Esta vegada foi llubina amariscao y si el primer platu mos prestó, el segundo foi ensin dubia lo que mos encantó. Destacaría el saborgor a ñocla de la salsa y lo nidiamente fresco d’un pexe veníu del cercanu Cantábricu.

Si sois tan apasionaos de los platos de mar como yo, ensin dulda atoparéis equí un llugar nel qu’esfrutar del bon pexe y el mariscu, a precios populares y adobao col meyor de los condimentos posibles: la gracia que-y pon José a ca culín.


(Visited 2.445.389 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies