Inicio > Chigres > Tradición y modernidá na cocina de Casa Colás
ChigresEncamientosGastronomía

Tradición y modernidá na cocina de Casa Colás

Tres varios años rexentando la Sidrería Alborada en Xixón, va unos meses Ana Yolanda Esquina y Narciso Alves decidieron treslladar el so negociu a esta emblemática sidrería asitiada al delláu de Begoña.

Al frente la cocina ta la propia dueña, que curia dende la merca, escoyendo’l meyor y más frescu productu pa poder ellaborar tolos platos de la so carta, onde podemos alcontrar platos tradicionales como’l codiellu de llacón con chorizu o los cachelos con verdura, el fégadu caseru encebolláu o al ayu, que sigún mos comenta Ana “quita l’hipu”. Tamién podemos degustar dos especialidaes perabegoses d’atopar na hostelería asturiana como son los cascoxos a l’asturiana o a la rioxana o bien unes anques de xaronca en salsia, platos nos que como mos cuenta la cocinera, el secretu nun reside namás nel material, sinon tamién na forma d’ellaboración que demientres años vien siendo añeráu pola so familia.

Asina mesmo los arroces son una parte importante d’esta carta, nun faltando nesta sidrería les típiques paelles de mariscu ellaboraes por encargu. P’atender a los sos veceros, Narciso escoyó’l llagar de Sidra Peñón pa trayemos los meyores palos tanto de sidre natural como d’escoyeta.

 

CASA COLÁS, SIDERÍA. Noreña 1. Xixón T. 625 094 479

(Visited 639.666 times)

Dexa una rempuesta

La so direición d'email nun sedrá espublizada Campos obligatorios marcaos con *

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies