Inicio > DOP Sidre d'Asturies > La campaña Navidá ‘Asturies Sidre Brut’ va durar fasta’l 6 de xineru
DOP Sidre d'Asturies

La campaña Navidá ‘Asturies Sidre Brut’ va durar fasta’l 6 de xineru

El Conseyu Regulador de la DOP Sidre d’Asturies presentó la campaña de Navidá ‘Asturies Sidra Brut’. Esta campaña va tar vixente fasta’l 6 de xineru, algama la so décima edición coles mires de poner en valor esta sidre ente los asturianos, y dala a conocer ente los miles de visitantes que mos acompanguen nestes feches

LA SIDRA.- “Tamos bien illusionaos con esta campaña. Ye una gran oportunidá pa brindar con familiares y amigos con un productu nuesu, sofitando la gastronomía asturiana y a los productores asturianos”, destacó’l presidente del Conseyu Regulador de la DOP Sidre d’Asturies, Guillermo Guisasola.

Pela so parte, el presidente d’Otea, José Luis Álvarez Almeida, y la direutora de Desendolcu Rural ya Industries Agraries del Principáu de Asturies, Begoña López, reforzaron el mensaxe del presidente en sofitu de los hosteleros y los llagareros, y esperen qu’esta campaña seya un ésitu.

Tres la comparecencia, celllebróse na Ruta los Vinos un brinde popular – con sidre natural d’espolleta – nel que participaron cuasique mediu centenar de presones. Per un llau, comemoróse l’entamu de la campaña promocional y, tamién, festexóse la recién candidatura de la Cultura Sidrera Asturiana a Padremuñu Mundial Inmaterial de la Unesco.

Fasta’l 6 de xineru podrá tastiase, a precios bien económicos, en más de 200 establecimientos de la nuesa rexón. Les sidres participantes d’esta edición son: El Gaitero Etiqueta Negra, Pomarina y Valle Ballina y Fernández (El Gaiteru), Emilio Martínez (El Gobernador), Poma Áurea (Trabanco), Prau Monga (Angelón), Ramos del Valle (Fran) y Solaya (Quelo). Amás, va haber un refuerzu na canal Alimentación con 9 degustaciones nes principales grandes superficies asturianes y tiendes gourmet.

(Visited 1.272.921 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies