Inicio > DOP Sidre d'Asturies > Presentación d’International Cider Summit Asturies
DOP Sidre d'AsturiesInternacionalSidreturismu

Presentación d’International Cider Summit Asturies

International Cider Summit Asturies va tener representaes a 13 rexones sidreres del mundu cola participación de 65 tipos de sidre que van poder tastiase demientres la selmana nos llocales participantes, ynel festival que se va cellebrar na Llaboral de Xixón

LA SIDRA.- La viceconseyera de Turismu del Principáu d’Asturies, Graciela Blanco; el responsable de Mediu Rural de Caxa Rural d’Asturies, Javier Nievas, la Direutora Xeneral de Desendolcu Rural y Agroalimentación del Principáu d’Asturies, Begoña López; el Direutor del eventu, Eduardo Vázquez, el presidente de la DOP Sidre d’Asturies Guillermo Guisasola y el conceyal de Turismu del Conceyu de Xixón Santos Lopez presentaron esti xueves la International Cider Summit Asturies en Xixón.

La International Cider Summit Asturies cellebraráse la selmana del 20 al 26 de marzu de 2023. Les actividaes van tar estremaes en 3 eventos estremaos dientru d’esti cume. El primeru va ser la Asturies Cider Week que va ufiertar la posibilidá de probar 65 tipos estremaos de sidre nos llocales collaboradores distribuyíos per Asturies.

 Otra de les partes del cume sidreru va ser l’Asturies Cider Congress, que se va cellebrar el 23 y 24 de marzu na Universidá Llaboral de Xixón. Equí grandes profesionales del seutor sidreru nacionales ya internacionales van compartir les sos esperiencies y saberes en 2 mañanes completes de charres, coloquios y meses redondes. Dalgunos de les temes que se van encetar van ser el turismu y la sidre n’Asturies, la distribución y el mercáu de sidre d’Estaos Xuníos, la sidre na alta gastronomía, l’exemplu de la cerveza belga como padremuñu cultural de la UNESCO…

 La International Cider summit va tener como colofón final l’Asturies Cider Fest, un festival pa los amantes de la sidre que se cellebrará la fin de selmana de’l 25 y 26 de marzu na Universidá Llaboral de Xixón. Equí va haber 30 llagares asturianos ufiertando Sidra Natural echada por espertos, tasties de les 65 sidres presentes que van representar a 12 rexones sidreres del mundu, un market de moda y complementos tradicionales, actuaciones musicales, food trucks, un área infantil y otru de mascotes.

 

(Visited 2.509.159 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies