Inicio > Eventos > IV Xornada de la Sidre en Pimiangu
EventosEventosLlagaresTasties

IV Xornada de la Sidre en Pimiangu

Ye l’eventu sidreru más oriental d’Asturies, sacántenes l’Asturies de Santillana

LA SIDRA.- Lo qu’escomenzó siendo una espicha tradicinal onde llagareros caseros y amigos de la sidre esfrutaben de la produción llocal, evolucionó no que ye una importante amuesa de la sidre más rellevante del oriente asturianu.

Nestes Xornaes, l’oxetivu fundamental ye da-y puxu a la cultura sidrera asturiana, faciendo por ameyorar la conocencia y la calidá nel procesu d’ellaboración de la sidra casero.

Cellebraráse’l prósimu 7 de xunetu, y nesta 4º edición, la presentación de la Xornada va correr al cargu de D. Javier Niembro, llagareru de sidre Pamirandi, que mos comentará la esperiencia d’Asiegu y el so apueste pola calidá, dándomos una visión socioeconómica de cómo con productos naturales de calidá (Ruta la sidre y el quesu) pue dinamizase la economía d’un núcleu rural.

La tastia y valoración de les sidres llocales va ser rializada por D. Jacinto Vela, llagareru de sidre Cabañón. Y amás, va illustramos de les peculiaridaes de la “primer sidre l’añu” y de la collecha de mazana que s’espera.

Igual que l’añu pasáu, ta previsto un hermanamientu sidreru. Nesta ocasión con Asiegu (Cabrales), pol so repitíu sofitu a Pimiangu y n’especial a esta Xornada. Trátase d’esta miente de xuncir dos pueblos de carauterístiques y tradición asemeyaes na ellaboración de sidre casero.

Yá forma parte d’esti ritu la presencia del Coru Santa Apolonia de Pañeda que, amás de ser unos grandes entendíos en sidre, amenizarán la Xornada con una amuesa de cancios de chigre asturianos.

Pa participar, ye preciso l’alquisición del vasu comemorativu de la Xornada que tien un costu de 10 €

(Visited 600.555 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies