Inicio > AS > Eventos > Impresionante Apfelwein Weltweit
Eventos

Impresionante Apfelwein Weltweit

La dellegación asturiana nesti perimportante festival sidreru internacional tuvo compuestu por Grupu Trabanco y LA SIDRA- Fundación Asturies XXI.

LA SIDRA.- L’Apfelwein Weltweit superóse nesta ochava edición con una curiada y atenta organización y con más de 2.000 visitantes nuna xornada na que tuvieron a dimposición de los asistentes más de 250 especialidaes distintes de sidre, llegaes de tol mundiu polos más de 70 espositores que participen nel mesmu.

La dellegación asturiana tuvo compuesta por Grupu Trabanco, ún de los llagares más distinguíos del eventu, con tres premios Pomme d’Or (Ávalon, Poma Áurea y Llagar de Camín), y la representación de LA SIDRA- Fundación Asturies XXI, que tamién cuntó con estand propiu dende’l que dar a conocer la sidre DOP “Sidre d’Asturies” y dar a conocer el SISGA’16, favoreciendo la participación nel mesmu de les empreses participantes y espertando l’interés de los asistentes pel nuesu país y la nuesa cultura de la sidre.

 

La esperiencia foi perbona, destacando comu siempres lo afayaizu del llugar onde se desendolca, l’atención y organización de los entamaores del eventu, y mui especialmente l’interés d’un públicu entendíu que siente la sidre comu daqué propio y que quier conocer otres propuestes y otres rialidaes.

Por supuestu, nel Apfelwein Weltweit toviemos ocasión de reatopamos con munchos llagares amigos, participantes y gallardonaos nel SISGA, y que tamién foron premiaos esti añu colos Pomme d’Or, y a los que mos prestó ver y qu’esperamos tener de nueu en Xixón pa esti mes d’ochobre.

(Visited 1.221.780 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies