Inicio > AS > Eventos > Gwendal y sidre en Mieres
Eventos

Gwendal y sidre en Mieres

Del 15 al 17 d’abril Mieres sedrá la referencia de la música tradicional y de la sidre, repartiendo más de 2.000 llitros de sidre.

LA SIDRA.- La Folixa na Primavera sigue xorreciendo añu ente añu, con una perinteresante ufierta que xunce música, baille tradicional, gastronomía y sidre, sidre abondo. El programa festivu entamará’l vienres 15 con un volaor y de magar esi momentu abriránse les pipes de sidre, ufiertaes pola Hermandá de San Bartolomé de Baiña, que prevé repartir más de 2.000 llitros de sidre, namás con mercar el vasu de la Folixa, por 2,5 €. Esti añu, el vasu lleva xerigrafiáu un diseñu ispiráu nel cartelu de la folixa obra d’Alfredo Casasola.

Nesta Folixa na Primavera, el pregón daralu’l periodista Luis Gancedo, y a continuación, Juan Alfonso Fernández, direutor del Muséu de la Gaita de Xixón recibirá’l distintivu a la investigación folclórico Fini Suárez. 

 

Ente l’amplia ufierta musical del eventu hai de destacar la presentación mundial en Mieres del postrer trabayu discográficu de Gwendal, que con cuasique mediu sieglu d’hestoria arrecostines, presenta un discu en direutu que llegará a les tiendes metanes de mayu. Arriendes del conciertu de Gwendal tamién habrá actuaciones de los grupos “La Tarrancha”, “Caliorne” y “Spanta la Xente”

(Visited 866.766 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies