Inicio > Gastronomía > I Campionatu Amateur del Auténticu Cachopu Asturianu
Gastronomía

I Campionatu Amateur del Auténticu Cachopu Asturianu

La participación ye al traviés de vídiu recetes, la final va ser nel mes de payares y el ganador va recibir un premiu de 3000 €

LA SIDRA.- El I Campionatu Amateur del Auténticu Cachopu Asturianu, como’l so nome indica, ta dirixíu a cocineros amateurs de cualisquier puntu del territoriu español. Esti va constar de dos fases.

Fase 1 online. Iscripción al campionatu al traviés d’un casting de vidiu recetes del 21 de setiembre al 18 d’ochobre. La duración de los vídios va ser de másimu un minutu y podrán xubise na ueb: https://autenticocachopoasturiano.es/el-campeonato/. Nel vídiu tien d’apaecer una secuencia rellacionada cola ellaboración d’un cachopu, en cualisquiera de les sos fases. Amás, tamién tien de vese de forma reconocible dalguna de les variedaes de quesu de Central Llechera Asturiana descrites nel so sitiu ueb. Hai delles opciones:

  • Opción 1 –Cachopos Tradicionales ellaboraos con llonches clásiques, llixeres, afumiaes o ensin llactosa–. Opción 2 –Cachopos Especiales ellaboraos colos quesos El Maestru Queseru DOP Cabrales, Afuega’l pitu, Casin, Beyos o Vidiago–. Opción 3 –Cachopos con Calter ellaboraos con quesu Cabrales Cueva del Molín–.
  • Fase 2 presencial. Los doce meyores vídiu recetes escoyíes por un xuráu van participar na gran final n’Asturies. Estes cocinaránse en direutu énte un xuráu que va tar compuestu por representantes de Central Llechera Asturiana, Xata Asturiana IXP, l’actual campión de Cachopos d’Asturies, Juanjo Viso, y otros especialistes gastronómicos.

La Gran Final va ser nel mes de payares. El ganador va recibir un Premiu de 3000 €. Esta iniciativa surdió de Central Llechera Asturiana y cunta cola collaboración de Xata Asturiana IXP y Onda Cero.

(Visited 890.997 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies