Inicio > Sin categoría > Mahou San Miguel llanza ‘La prohibida’, una cider de mazanes verdes y colloraes
Sin categoría

Mahou San Miguel llanza ‘La prohibida’, una cider de mazanes verdes y colloraes

El grupu yá comercializa’l nuevu productu, la primer vegada qu’ufierta una bébora distinto a la cerveza

LA SIDRA.- La sidre ta en puxanza y eso fai qu’importantes grupos del seutor de la bébora apuesten pola so comercialización. Comu yá asocedió con Heineken y el so ‘Lladrón de mazanes’; agora’l Mahou San Miguel llanzó esta selmana ‘La prohibida’, una “cider ensin complexos”, describe la compañía y amiesta: “destaca’l so calter enfrescante, llixera acidez y final dulce. Una propuesta atrevía pal díi ente díi. Escuéyense curioso les meyores mazanes y máyense pa ellaborar zusmiu natural. De siguío, lleldar con lleldu escoyíu para consiguir el grau alcólicu, los arumes y el puntu xustu de carbónicu de La Prohibida”. A esta cider amiesten, amás, otros ingredientes como azucre y “arumes naturales”.

A la vista preséntase de collor doráu, rellumante, claru. En boca apréciense saborgos llimpios ya intensos. “Perfil bien afrutáu con predominiu de les notes de mazana, collorada y verde, con otros matices a pera y frutos mariellos que lo enriquecen. En boca’l cuerpu ye llixeru, moderadamente acedo con llixeru dulzor, nidiu en testura y calter enfrescante”, desplica Mahou San Miguel.

Pal so serviciu encamienten sirvila nun vasu con xelu y “una ramina de canela o fueya de romeru”. Tocántenes a la so harmonización, proponen el so consumu con quesos azules o Idiazábal, con pexe blanco, estofados de carnes blanques, con cocina asiática, y pa derás, tarta d’hoxaldre de mazana.

(Visited 891.000 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies