Inicio > Cultura sidrera > Folixa la Sidre de Ribeseya
Cultura sidreraEventosGastronomíaLlagaresTasties

Folixa la Sidre de Ribeseya

Tendrá llugar del 12 al 16 de xunu ya incluyirá’l Concursu de Sidre Caseru, el Concursu d’Echaores de Ribeseya, el Concursu Gaiteros “Gelu Cuervo”, y toa una fargatá d’actividaes alrodiu la sidre y la so cultura.

LA SIDRA.- Entamada pola asociación rioseyana “Entaína”, la Folixa la Sidre de Ribeseya presenta esti añu interesantes novedaes, escomenzando’l miércoles 12 con una primer edición de Cancios de Chigre, que dirán teniendo llugar pelos estremaos chigres participantes.

El pregoneru sedrá’l conocíu cocineru llocal Lluis Nel Estrada, pioneru na gastronomía de la sidre, y acabante nomar embaxaor de la candidatura de la Cultura Sidrera a Padremuñu de la Humanidá, y la so intervención sedrá el xueves 13 a les 21 hores. Dempués del pregón serviráse un pinchu especial a los asistentes.

El mesmu xueves 13 cellebraránse les semifinales el Concursu de Sidre Casero, que l’añu pasáu cuntó cola participación de 41 llagareros y qu’esti añu espera superase. El plazu pa participar tará abiertu fasta’l 10 de xunu y les iscriciones tienen de faese nel teléfonu 679 574 229. Habrá u npremiu pa los tres meyores palos y pa la meyor sidree fecho en Ribeseya.

Asina mesmo, esti añu tamién tendrá llugar el primer Concursu de Gaiteros “Gelu Cuervo”, n’homenaxe al gran animaor de fiestes y gaiteru oficial de Les Piragües en Ribeseya. Nesta primer edición habrá 300 euros en premios pa los tres meyores en categoría abosoluta y 240 euros en premios pa la categoría infantil (menores de 15 años). El plazu d0iscripción présllase’l miércoles 12 de xunu y namás s’almitirán ocho gaiteros per categoría. El concursu cellebraráse’l sábadu 15 baxo la organiación del departamentu de Gaita Asturiana de la Escuela Municipal de Música y Entaína Ribeseya, cola collaboración del Ayuntamientu y del Chigre’l Corquiéu.

Nun faltarán les actuaciones musicales nestos díis de folixa, destacando les de La Tarrancha, D’Urria, Muyeres, Avalle Van y  Juanillous 3.0

 

PROGRAMÍN

Sábadu 15:

11.00 a 15.30 y 17.30 a 21.00 h. Feria de quesos artesanos

11.30 h. I Concursu gaiteros “Gelu Cuervo”

22.00 h. Actuaciones: “Muyeres”, “D’Urria” y “La Tarrancha”

 

Domingu 16:

12.00 h. Concursu de sidre casero y preba, amenizados por “Bandi-Ne”

18.00 h. I Concursu d’Echaores de Ribeseya (puntuable pal Campionatu d’Asturies)

(Visited 618.655 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies