Inicio > DOP Sidre d'Asturies > La DOP Sidre d’Asturies cellebró la so tradicional ‘Esperiencia Collecha’
DOP Sidre d'Asturies

La DOP Sidre d’Asturies cellebró la so tradicional ‘Esperiencia Collecha’

Periodistes de dellos medios de comunicación y representantes de delles oficines de turismu d’Asturies esfrutaron de la campaña de pañada de la mazana

VER SEMEYES

LA SIDRA.- Un añu más, el Conseyu Regulador de la DOP Sidre d’Asturies cellebró la so tradicional ‘Esperiencia Collecha’. Más d’una decena d’easistentes, ente periodistes, blogueros gastronómicos y representantes de delles de les oficines de turismu d’Asturies, pudieron esfrutar d’una actividá guiada cuyu oxetivu yera vivir una esperiencia real de la campaña de pañada de la mazana. Una xornada entamada p’afondar na conocencia del productu y los sos raigaños, asina como del sector agrícola ya industrial del que forma parte la Denominación d’Orixe Protexida Sidre d’Asturies.

Nesta edición, l’allugamientu escoyíu foi la pumarada Ranchu Dosil en Carbaínos (Xixón).Nella desplicóse cómo se produz la pañada de races de mazana, les particularidaes de ca campaña, los momentos de la pañada sigún maduración, el so treslláu al llagar y los controles qu’exerz el Conseyu Regulador de la DOP Sidre de Asturies.

La Esperiencia Collecha’ siguió nel Llagar Herminio, en Cualloto. Nesta postrer parada desplicóse cómo se realiza la recepción de la mazana en mazaneru, el procesu de selección y el so posterior prensáu. La visita remató con una tastia del productu y una espicha regada con sidre DOP y acompañada por productos asturianos.

 

 

(Visited 2.546.954 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies