Inicio > EN > Competitions > Ésitu de la sidre asturiano na International Cider Fair de Rotterdam
CompetitionsCultura sidreraEventosEventosEventsInternacionalLlagaresNewsNoticiesSidreturismuSin categoría

Ésitu de la sidre asturiano na International Cider Fair de Rotterdam

Presentóse la Sidre d’Asturies DOP, y el Llagar Viuda d’Angelón foi premiáu pola so sidre Prau Monga y la Sidre de Pera, nun eventu nel que participaren les meyores sidres d’Europa.

LA SIDRA.- Esti caber 2 de xunu tuvo llugar na ciudá holandesa de Rotterdam el International Cider Fair. Comu ca añu esti eventu, el mayor de los Países Baxos en cuantu a sidra, acoyó a les meyores sidres d’Europa, axuntando sidres d’Holanda, Inglaterra, Irlanda, Escocia, Letonia, Francia, Bélxica, Luxemburg, Canadá y por supuestu Asturies.

Ellí los llagareros ufiertaron los sos meyores productos al públicu holandés, yá conoceor de les sidres del mundiu gracies al llabor d’espardimientu de la cultura sidrera de los entamaores ya importaores Raúl Henriquez y Wouter Bijl. Gracies a ellos esti eventu va afayándose añu ente añu comu un referente nos eventos internacionales sobro sidre, y collaboren davezu comu importaores nel Salón Internacional de les Sidres de Gala (SISGA).

Ye de reseñar el bultable ésitu de la sidre asturiano nesta edición pues, el llagar Viuda de Angelón algamó na menos que dos premios, ún a la so sidre Prau Monga y otru a la so Sidra de Pera, dambos bien merecíos y con una gran competencia nes dos categoríes, la del públicu y la de la organización.

Amás, féxose una tastia especial de sidres DOP, na que se ufiertaron les sidres Prado y Pedregal (natural), Españar (sidre de mesa) y la esplumosa Pomarina, que suscitó munchísimu interés nel públicu holandés. Foi la primer vegá qu’esti tipu sidres participa n’Holanda y nun podía esperase una acoyía meyor, llegando a escosase dos variedaes nes primeres dos hores de tastia.

Ente los participantes atopábense llagares holandeses Lightship Cider, Doggerland Craft Cider, De vergeten Appel, Elegast distillery, Bear Cider y Ram Cider. De Canadá Bulwark Ciders, de Letonia el llagar Abavas, Finnbarra d’Irlanda, Vallée de la seiche de Bretaña, La Galotière  de Normandía, Ramborn Cider de Luxemburgu, The Hills Cider Company d’Australia y los ingleses Hoxton Cidersmiths y Severn Cider. La representación d’Asturies foi na menos que Sidra Viuda de Angelón y les sidres con Denominación d’Orixe Protexía Sidra d’Asturies.

Nesta edición, aparte de la tastia abierta al públicu, que tuvo llugar na moderna Fenix Food Factory, tuvieron tamién llugar los premios Oogappelje (La Mazana los Mios Güeyos) a les meyores sidres. Los ganaores d’esta primer edición foron los llagares Ramborn Cider Co (Luxemburgu), Abavas vīna darītava (Letonia) y Sidra Viuda de Angelón (Asturies) y  La Galotière (Normandía).  Foi precisamente la dellegación de LA SIDRA, con Anzu Fernándi comu cabezaleru, la responsable de presentar y anunciar a los ganaores, por mor del nuesu llabor comu embaxaores de la cultura sidrera a lo llargo de tol mundiu.

Una vegá más, la Fundación Asturies XXI lleva la cultura de la sidre asturiano pel mundiu y los llagares asturianos representaos nel estranxeru superen les espeutatives y dexen bien altu’l pabellón a nivel internacional.

(Visited 2.464.853 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies