Inicio > Sin categoría > ¿Engorda la sidre?
Sin categoría

¿Engorda la sidre?

La ‘natural tradicional’, como’l so nome indica, nun tien zucre amestao y amás ye de baxa gradación alcólica, polo que ye de les que menos caloríes aporten… pero amás tien fibra soluble

LA SIDRA.- Ente tres y cinco kilos ye lo qu’engordamos en branu sigún el Istitutu Mélicu Européu de la Salú. Ye lo que tien la vida fuera casa: fiestes de prau, chiringos, feries, playa, festivales, etec. los que tenemos que trabayar tampoco nun salvamos muncho que digamos. Sigún los téunicos de turismu, Asturies ye un país receptor d’amigos y familia que viven acullá del Payares y que vienen “a enfrescar” demientres el branu a estes tierres nes que , aveces llueve, sí, pro nun muerres de calor demientres el díi, y pues durmir pela nuechi.

Amás, como ye persabío, la xinta ye una de les sides que más atrai alos turistes. Y claro, si te lleguen amigos de fuera… ¿Qué vas facer? pues invitalos a esfrutar de los nuesos chigres y, tu, por supuestu, nun te cortes a la hora de compartir los chipirones, bonitu, centollos o pulpu, -nel meyor de los casos- y á puestos a ello, chorizos a la sidre, fritos de pexe, cachopos ¿Y por qué non? Fasta una fabada, que pa eso ye’l platu emblemáticu d’Asturies.

Pero a la tema.. ¿qué pasa coles bébores? Munches vegaes pue llegase a camentar que la cerveza, al nun ser una bébora dulce, tien perpoques caloríes; y que la sidre, al ser ellaborada con mazanes y non con cereales; tien más. Pos non. Tanto la sidre como la cerveza aporten alredior de 45 Kcal por ca 100 milillitors, de les que menos tienen de tol mercáu de bébores alcóliques. ¿Lo pior? los cacharros. 100 ml de les llamaes “bébores blanques” tienen ente 300 a 500 Kcal. Ello ye, el botellón ye tamién una bomba calórica, anque les mezcles se faigan con refrescos “light”. Pero entá hai más en cuantes a la sidre. Amás de ser cardiosaludable como yá lo indicara’l reconocíu mélicu nutriólogu Jesús Bernardo, tamién ye antiinflamatoria, y contien fibra soluble qu’aída al correchu furrulamientu del tránsitu estantinal… esi que dacuandu nun furrula tan “correchamente” cuando tamos fuera casa.

 

(Visited 638.687 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies