Inicio > Sin categoría > ¡Asturies Sidre Brut con más fuercia que nunca!
Sin categoría

¡Asturies Sidre Brut con más fuercia que nunca!

La ochava edición d’Asturies Sidre Brut cuntará cola participación de cinco llagares y 300 establecimientos.

LA SIDRA.- Na presentación que tuvo llugar na mañana d’ayeri nel Hotel de la Reconquista d’Uviéu destacóse la necesidá de poner en valor esta sidre ente los asturianaos y visitantes, especialmente demientres les navidaes.

Poma Áurea, de Trabanco; El Gaitero Etiqueta Negra y Pomarina, d’El Gaitero; Emilio Martínez, d’El Gobernador; Prau Monga de Viuda de Angelón y Solaya, de Quelo son les sidres que participen nesti eventu entamáu pol Conseyu Regulaor DOP Sidre d’Asturies, nel que 300 establecimientos ufrirán esta sidre a preciu bien económciu, dende güei fasta’l 6 de xineru. Arriendes d’ello, y cola xida de dar a conocer esta sidre, tan entamaes aiciones en cientros comerciales y tiendes especializaes dende’l 13 fasta’l 22 d’avientu.

Celestino Cortina, presidente del CRDOP Sidre d’Asturies calificó esti eventu de “perimportante” cara al presente y futuru de la DOP, José Luis Álvarez, presidente d’Otea destacó los más de 300 llocales que participen esti añu n’Asturies Sidre Brut y la conseyera de Desendolcu Rural y Recursos Naturales, Mª Jesús Álvarez amestó que la sidre brut pue competir ensin dengún complexu “colos meyores caves y xampanes”, a ver si ye verdá y dende’l “Principado” dexen de cellebrar los eventos oficiales col so “vinu español”.

(Visited 469.936 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies