Inicio > Encamientos > Encamientos de sidre de temporada
EncamientosInternacional

Encamientos de sidre de temporada

Sidres americanes con especies chai pa l’iviernu.

LA SIDRA.- Navidá ye una dómina perfecha pa tastiar combinaos distintos y esóticos fechos con sidre. Asina que, si te encanten los sabores especiaos, tienes de tastiar éstes denominaes “chaiders”:

– Apple of My Chai, de Far From the Tree.
Esta sidre semidulce ta fecho con especies como clavu y cardamomu, con un agregu de corteya de naranxa. Al llagar enclaváu en Salem tamién-y gusta amestar romeru y cuspia na so Bog Cider y nuez moscao afumada con zreza na so Cherry Dive.

– Chai M’a River, de Newtopia Cyder.
Esti llagar abiertu apocayá en San Diego ta ellaborando estilos de sidre de forma progresivo, como esti homenaxe a la seronda, onde’l crisantemu, la camomila y la canela entemecen cola base de mazana para consiguir un acabáu nidiu, inspiráu nel chai.

– The Spice Merchant by Noble Hard Cider.
El llagar de Ashville utiliza cardamomu, canela y clavu sobro una base semidulce de mazana. Tamién presenta’l sabor del té chai alcontráu en AppalaChai, pela rodiada de la ciudá.

– Chaider, de Schilling Cider.
El llagar asitiáu en Auburn collabora con Dragonfly Chai, fábrica de té orgánico de Portland, y ye una de les sidres de temporada más famoses disponibles demientres avientu. Tamién pues consiguir recetes de cócteles pa Chaider na so páxina ueb.

– Vanilla Chai, de Nine Pin Cider.
A esti llagar de Albany encánte-y esquizar munchos ingredientes distintos p’añmestar a les sos sidres. Ésta ta avieyada con granos de vainilla y trescaláu de chai de la compañía Short and Stout Tea.

(Visited 166.180 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies