Inicio > Chigres > Renaguración de Bodegas Anchón
ChigresEncamientosGastronomía

Renaguración de Bodegas Anchón

Con más de cuatro décades al llombu, esti chigre xixonés, asitiáu n’El Coto y rexentáu por Pilar Álvarez, xenra de los primeros propietarios, acometió una gran reforma, distribuyendo meyor l’espaciu y amestando una parrilla al llocal p’ampliar la so ufierta gastronómica.

Bodegas Anchón ye un chigre de los de tola vida, abiertu en 1973 por María y Victorino, suegros de la propietaria d’anguañu, Pilar Álvarez. Un negociu familiar que quinxo afayase a los nuevos tiempos, pero ensin perder la sencia, la tradición y los bonos vezos que calaren tan fondo demientres más de cuatro décades ente los sos veceros. Poer eso acometieron una reformona, dexando’l restorán espeutacular, con una decoración acuridiada y un espaciu munchu meyor distribuyíu y más abiertu, al qu’hai d’amestar la so nueva parrilla.

Bodagas Anchón, que nun preslla dengún díi pa folgar, da un tratu preferencial a la sidre, con un espaciu acutáu pa caltenela a la temperatura afayaíz y echándola en tol llocal, incluyío’l comedor, un detalle que los veceros valoren, y, por supuestu, agradecen. Ente los sos palos podemos atopar Acebal y la so DOP El Carrascu; y Canal y la so DOP El Santu. Per too ello, esti chigre xixonés convirtióse, por méritos propios, nuna gran opción pa esfrutar de los meyores productos asturianos.

VER ARTÍCULU COMPLETU

(Visited 2.445.579 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies