Inicio > Cultura sidrera > Salvador Ondó, pentacampión del Campionatu Oficial d’Echaores
Cultura sidreraDOP Sidre d'Asturies

Salvador Ondó, pentacampión del Campionatu Oficial d’Echaores

El Muséu de la Sidre de Nava foi l’escenariu escoyíu pa la entrega de los premios del Campionatu Oficial d’Echaores d’Asturies 2022, onde se reconocieron a los diez primeros clasificaos d’esta postrer edición. Toos ellos recibieron diploma acreitativu, y a los trés primeros un premiu n’efeutivu. Tamién se gallardonó a los trés meyores puntuaos de la categoría sub25, premiu patrocináu pola revista LA SDRA

LA SIDRA.- Los ganaores d’esta edición foron los siguientes:

  1. Salvador Ondó (Tierra Astur)
  2. Jorge Vargas (La Montera Picona)
  3. Wilkin Akiles (La Avenida)
  4. Jonathan Trabanco (Los Portales de Jaimón)
  5. Pelayo Rodríguez (Independiente)
  6. Alberto Truchado (La Ruta)
  7. Humberto Rey (Independiente)
  8. Pablo Suárez (Tierra Astur)
  9. Rubén Campa (La Bolera)
  10. Antonio Sorca (El Portal)

Categoría Sub-25

  1. Daniel Rujas (La Botica)
  2. Alexander Gabriel (Tierra Astur)
  3. José Ramón (El Centenario)

Enantes de la entrega diplomes, les autoridaes presentes nel actu dirixeron unes pallabres al públicu asistente. “Tamos bien contentos de sofitar esti concursu. La sidre natural y l’echáu van de la mano. Tenemos de conservar esta tradición. Primero, porque ye padremuñu nuesu. Y segundu, porque col echáu la sidre algama la so mázima calidá”, sopelexó’l vicepresidente del Conseyu Regulador de la DOP Sidre d’Asturies, Víctor Ramos.
Per otru llau, el presidente d’Otea, José Luis Álvarez, allantró qu’esti miércoles va llevar a cabu la formalización del alcuerdu del certificáu de profesionalidá del echaor, una categoría qu’alza al profesional del echáu “a otres como la de sumiller”.
Pela so parte, la direutora xeneral de Desendoluu Rural y Agroalimentación, Begoña López, consideró que “la figura del echaor ye tan importante como la del llagareru, pumareru o productor. Ca vegá que l’echaor llevanta’l brazu, llevanta a Asturies”, concluyó.


(Visited 2.562.730 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies