Inicio > Encamientos > Campaña pa dar puxu a los Alimentos del parayisu natural nes fiestes navidiegues
Encamientos

Campaña pa dar puxu a los Alimentos del parayisu natural nes fiestes navidiegues

Prevé la inserción de publicidá nos medios de comunicación asturianos, revistes especializaes y redes sociales, amás de repartu de merchandising

LA SIDRA.- La Conseyería de Desendolcu Rural y Recursos Naturales rializará fasta finales d’avientu una campaña publicitaria baxo l’eslogan: “En Navidá, lo meyor ta en casa. Asturies, calidá na mesa“, empobinada a dar puxu al consumu, demientres estes fiestes navidiegues, de los meyores alimentos producíos y ellaboraos nesta tierra ya incluyíos na marca de calidá Alimentos del parayisu natural.

La conseyera Mª Jesús Álvarez presentó esta tardi la campaña n’Uviéu, nun actu cellebráu nel Hotel de la Reconquista, onde sopelexó que la promoción de los productos acoyíos ala marca incorpora les produiciones amparaes por sellos de calidá territorial diferenciada, como les denominación d’orixen protexía (DOP) y les indicaciones xeográfiques protexíes (IXP). “Trátase del buque insignia de les produiciones agraries a agroalimentaries d’Asturies, los alimentos más emblemáticos lligaos ala nuesa tierra y la so tradición y a la nuesa cultura”, solliñó.

La campaña, conun coste de 60.000 etuos, inclúi la inserción de publiciá nos medios de comunicación del país, revistes especializaes, redes sociales y estremáu material de merchandising. Álvarez animó a los consumidores asturianos a esfrutar demientres les fiestes de les proudiciones más emblemátiques, “les que conformen la gastronomía asturiana, once productos singulares, únicos y escelentes”. Son la Faba Asturiana, XataAsturiana, Choscu de Tinéu,  Vinu de Cangas, Sidre d’Asturias, los quesos Afuegal’pitu, Gamonéu, Cabrales, Casín y de los Beyos y la produciión ecolóxica.

(Visited 501.650 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies