Inicio > AS > Eventos > Asturianada, talleres, torneos y más en La Primer Sidre l’Añu
Eventos

Asturianada, talleres, torneos y más en La Primer Sidre l’Añu

esterior.jpg

VIII Asturianada y sidre, mayada, torneos de xuegos tradicionales, corcháu  y concursu d’echaores pa la reciella, pente otres actividaes

Guei podremos acompañar la sidre de los más de 70 llagares que participen na Primer Sidre l’Añu con una interesante riestra d’actividaes pa toles edaes. La principal sedrá l’actuación de los alunos de la Escuela de Música tradicional Manolo Quirós a cargu d’Anabel Santiago, dientro la VIII Asturianada y Sidre, de magar les cinco la tardi, pero anantes y dempués de la mesma habrá un bon fargatáu de propuestes prestoses.

La Bandina Gaites de Noreña tamién pondrá música a la xornada.

La sidre nun ye solo bébelo: a lo llargo’l díe fadráse un percorríu por estremaes actividaes relacionaes cola sidre. Los asistentes podrán mayar al estilo más tradicional pa facer sidre del duernu, nun prestosu taller qu’entamará a les tres de la tardi. Anantes, de 12 a 14, veremos en direuto como se faen los paxos nos que pañar la mazana y darréu tendremos la oportunidá de corchar a man, con corchaora y con mazu.

A les ocho la tardi tendrá llugar un prestosu concursu d’echaores de sidre empobináu a los más neños demientres los mayores reciben un cursu rápidu d’aniciación a la tastia de sidre, a cargu de Manuel Busto, quien tamién guiará una tastia de de sidre Valduro y Valnera, acompangáu por Donato X. Villoria.

Completen les actividades un Tornéu de Xaronca, Llave, Tiru Cuerda y Tiru Boina ya una esibición de cabruñu gadañu.

 PROGRAMA GUEI:

ESPICHA ABIERTA. Con sidre de más de 70 llagares. Esti añu tamién sidre ensin alcol y sidre’l duernu.

12:00 a 14:00. Taller de paxos.

14:00 Corcháu de sidre “a mazu” y con corchaora pa neños y mayores.

15:00 Mayada de sidre, polos neños asistentes.

16:00 Esibición de cabruñu gadañu.

17:00  VIII Asturianada y Sidra. Escuela de Música tradicional Manolo Quirós a cargu d’Anabel Santiago.

18:00 Tornéu de Xaronca, Llave, Tiru Cuerda y Tiru Boina

18:30 Tastia Guiada de sidre Valduro y Valnera. A cargu de Donato X. Villoria y Manuel Busto.

20:00 Concursu d’Echaores pa neños

20:30 Iniciación a la Tastia de Sidre a cargu de Manuel BustoActuaciones de la Bandina Gaites de Noreña

(Visited 843.390 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies