Inicio > AS > Eventos > Apoteósica XIII Primer Sidre l’Añu
EventosNoticies

Apoteósica XIII Primer Sidre l’Añu

L’afluencia de sidreros dobló lo esperao, con más de 12.000 visitantes y 22.000 llitros de sidre repartio nos cuatro díes que duró l’eventu

La treceava edición de la Primer Sidre l’Añu preslló les sos puertes con un record d’asistencia hestóricu. En total fueron más de dolce mil les persones qu’allegaron a probar la sidre de los llagares asturianos, na barra y los toneles de la PSLA, consumiéndose na menos que 22.000 llitros de la sidra nuevo de los toneles que s’acaben d’abrir.

A lo llargo d’estos cuatro díes non solo pudo comprobase en directu cómo vien la sidre d’esti añu, sinón que se realizaron actividades asgaya, venceyaes cola sidre y la so cultura, dende un Showcooking de sidra y cocina protagonizáu pol chef del Restorán el Duque, Pedro Baldó, hasta delles mayaes de sidre en directu.

Especial relevancia tuvieron los concursos, tantu de Sidra Casero Fecho en Maera como’l d’Echaores aficionaos, la tarde de Cancios de Chigre protagonizaos pol Coru de Muyeres de San Esteban y les tasties guiaes de les sidres finalistes del Concursu la Meyor Primer Sidre l’Añu. La reciella foi protagonista tamién, con un fargatáu d’actividaes pensaes pa los más piqueños.

Cuntamos cola participación de personalidaes importantes, comu Vicente Díaz, que dió el pregón nagural, o Salvador Ondó, Campión d’Echaores 2022 que fizo una esibición, dio un tallerín y tuvo echando sidre tres de la nuesa barra. 

Nun foi l’únicu echaor de campionatu que collaboró cola PSLA, Alejandra Vanegas, la primera echaora na clasificación del Campionatu, participó echando la sidre en tolos concursos y tres de la barra trabayó’l segundu clasificáu sub-25 del Campionatu.

La Fundación Asturies XXI, organizadores d’esti eventu, busca recuperar con elli l’espíritu de les espiches de primavera de tola vida, nes que se diba a los llagares a probar la sidre nuevo, reivindicando la sidre sobre la madre, esto ye, ensin trasegar.

La PSLA ye un de los pocos eventos declaraos de raigón social pol Conceyu de Xixón, y cuenta col sofitu de la revista LA SIDRA, Xixón Turismu, la Conseyería de Mediu Rural y la Caxa Rural de Xixón, siendo una de les grandes artífices de que la reconocencia de la cultura sidrera asturiana como Patrimoniu Cultural Inmaterial de la Humanidá pola Unesco, tea cada vez más prósima.

(Visited 2.557.347 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies