Pesia’l coronavirus, el Conseyu Regulador ta trabayando pa rializar el certame nel que se van escoyer les meyores sidres acoyíes a la Denominación d’Orixe
LA SIDRA.- El Salón de la DOP Sidre d’Asturies nun se va cellebrar como n’años anteriores. La cris sociosanitaria xenerada pola pandemia del coronavirus ta obligando a atayar o tresformar los principales actos que se cellebren en tol mundiu, y los de la sidrr nun son la esceición.
Sicasí, el Conseyu Regulador anunció que sí se va a llevar a cabu’l concursu nel que se van escoyer a les meyores sidres natural, natural esplumosa y calistrada amparaes so la marca de calidá. Ello ye, les marques que van representar a la entidá demientres esti añu. Sicasí, lo que nun va ser posible realizar daes les midíes de seguranza qu’hai que siguir van ser les degustaciones, les tasties guiaes, les meses reondes sobro la bébora o les distintes actuaciones que teníen llugar demientres el salón.
Amás, la Denominación d’Orixe sigue col so llabor de promoción demientres el branu, ufiertando degustaciones de sidre esplumoso.
